Улаанбаатарчууд өнөө өглөөг цасан шуургатай угтлаа. Цас шуурч халтиргаа гулгаатай болсон ч гэсэн нөгөө талдаа Улаанбаатар хотын агаарын бохирдол багасжээ.
“IQ Air” сайтаас харвал Улаанбаатар агаарын чанарын индексээр (AQI) 54 буюу хамгийн бохирдолтой хотуудаас 61-т жагсаж байна. Агаарын чанарын индекс 54 гэдэг нь дундаж агаарын чанартай байсан гэсэн үг.
Гэхдээ хотын ихэнх хэсгээр агаарын чанар ногоон буюу сайн байгаа юм. “AQI” 0-ээс 50 хүртэл байвал чанар сайн гэж үзнэ. Чанар сайн үед агаар эрүүл мэндэд ямар нэгэн аюул учруулахгүй. Харин чанар 51-ээс 100 байвал эрүүл мэндийн хувьд эмзэг хүмүүст ханиах гэх мэт амьсгалын замын шинж тэмдэг илэрч магадгүй байдаг. Ийм учраас эрүүл мэндийн хувьд эмзэг хүмүүсийг гадуур явахгүй байхыг “IQ Air” зөвлөжээ.
Эх сурвалж: IQ Air
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шинэ дарга ганцхан сарын дотор утаагүй цэвэрхэн агаартай болголоо. Баяр хүргэе.
Одоо ес эхлэхээр утаа аймаар болно. Яанаа даа!