Өвөл, хавар хурдан морьд уралдуулахыг хориглосон ч "Дүнжингарав" уралдаан болохоор товлогджээ

Засгийн газрын 2019 оны нэгдүгээр сарын 30-ны ээлжит хуралдаанаар “Өвөл, хаврын улиралд хурдан морины уралдааныг хориглох тухай” тогтоолын төслийг хэлэлцэж батлав. Уг тогтоолоор жил бүрийн арвандүгээр сарын 1-нээс тавдугаар сарын 1-ний хугацаанд хурдан морины уралдаан, сунгаа, үсэргээ зохион байгуулахыг хориглож буй бөгөөд тогтоолын хэрэгжилтэд хяналт тавьж ажиллахыг холбогдох сайд нар болон бүх шатны Засаг дарга нарт даалгаж байв.

Мөн Монгол Улсын Засгийн газрын 2016-2020 оны үйл ажиллагааны хөтөлбөрийн 3.4.6-д “Бага насны хүүхдийг осол, гэмтлээс сэргийлэх, эцэг эхийн хариуцлагыг өндөржүүлж, хүүхдийн осол, эндэгдлийн түвшинг 2 дахин бууруулна”  гэсэн зорилтыг хэрэгжүүлэх хүрээнд Засгийн газрын 2018 оны “Өвөл, хаврын улирлын хурдан морины уралдааны тухай” 19 дугаар тогтоолоор  “...Өвлийн улиралд хурдан морины уралдаан зохион байгуулах болон жил бүрийн хаврын тэргүүн сарын шинийн 3-наас тавдугаар сарын 1-нийг хүртэлх хугацаанд зохион байгуулах хурдан морины уралдаан, сунгаанд 12 хүртэлх насны хүүхдийг хурдан морь унуулахыг хориглосон.  

Тэгвэл сар шинийн 14-нд "Топ Хурд Дүнжингарав" уралдааныг зохион байгуулахаар товложээ. Уралдаанд дээд гурван нас болон сонгомол гэсэн ангиллаар морьдыг уралдуулах юм байна. Ингэхдээ уралдааныг зохион байгуулагчдын зүгээс нэг морь тус бүрийг 300,000 төгрөгөөр бүртгэх аж. Энэ өдөр зөвхөн морьд уралдуулахаас гадна өв соёлын наадмыг зохион байгуулна.

Өөрийн сэтгэгдлээ илэрхийл

Share Tweet