Олон улсын чанартай А14 дугаартай Манхан-Булган-Улсын хил чиглэлийн авто замд хүчтэй аадар бороо орсны улмаас 120-133км-ийн хооронд уулын чулуулгийн нуранги үүсэж, зам хаагдсан.
Тухайн авто замыг шуурхай нээхээр "Ховд-АЗЗА" ТӨХК-ийн инженер техникийн ажилчдын бүрэлдэхүүн ажиллаж байна.
Мөн А1101 Мөрөн-Хатгал-Улсын хил чиглэлийн замд үерийн улмаас угаагдаж, эвдрэл гэмтэл үүссэн хэсгийг “Хөвсгөл зам” ХХК засварлаж байгааг албаныхан мэдээллээ.
Өнөөдөр/2027.06.27/ нутгийн зүүн хэсгээр бороо үргэлжлэн орох тул Сэлбэ, Туул, Тэрэлж, Хэрлэн, Онон, Улз, Халх голуудын усны түвшин улам нэмэгдэхийг цаг уурын байгууллагаас иргэд, аялагчдад онцгойлон анхааруулаад байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.