"Парис-2024": Б.Баасанхүү мөнгөн медалийн болзол хангаж, алтын төлөө барилдахаар боллоо
Эмэгтэйчүүдийн 48 кгд Монгол Улсаа төлөөлж 2024 оны Ази тивийн аварга, Душанбе Их дуулга тэмцээний аварга, Абу-Даби-2024 Дэлхийн аварга шалгаруулах тэмцээний алтан медальт, ШШГЕГ-ын Сүлд спорт хороо, Үндэсний шигшээ багийн тамирчин Б.Баасанхүү өрсөлдлөө.
Манай тамирчин C зоонд Мальтийн Е.Катринатай учраа таарч цэвэр, хоёр дахь барилдаандаа Австрийн Кетрингийг цэвэр, хэсгийн аваргын төлөө Парагвайн Нарваез Габриелатай барилдаж ялсан. Улмаар зооны аваргын төлөө Испанийн Мартинез Абелендатай барилдаж нэмэлт цагт яллаа.
Энэ нь мөнгөн медалийн болзол хангаж, аваргын алтан медалийн төлөө финальд шалгарсан гэсэн үг.
Манай тамирчин Абу Даби-2024 дэлхийн аварга шалгаруулах тэмцээний хүрэл медальт Бабулфат Тара, “ Ханжоу-2022” Азийн наадмын аварга, “Доха-2023” дэлхийн аварга шалгаруулах тэмцээний алтан медальт Цунадо Нацуми нарын ялсантай олимпын аваргын төлөө хүч үзнэ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Аль хэдий японтой барилдах нь тодорхой болсон байхад бичих юм аа нээрээ