АН: Нийслэлийн ИТХ-д лайвчин Д.Мөнх-Эрдэнэ, О.Отгонтөгс, сэтгүүлч С.Будрагчаа нар өрсөлдөнө

Аймаг, нийслэл, сум, дүүргийн ИТХ-ын 2024 оны ээлжит сонгуулийн үйл ажиллагааг зохион байгуулах цаг хугацааны хуваариар нэр дэвшүүлэх ажиллагаа өчигдөр /2024.09.02/ болж өндөрлөлөө.

Энэ удаагийн иргэдийн Төлөөлөгчдийн Хурлын 2024 оны ээлжит сонгуулиар 2393 тойрог байгуулж, 8031 мандат тогтоосон. Үүнээс нийслэлийн 12 тойрог 45, дүүргийн 181 тойрог 313 мандаттай. УИХ-ын сонгуулийн дараа эрэмбэлэгдэх нь НИТХ-ын төлөөлөгч сонгох сонгууль бөгөөд голлох өрсөлдөөнд АН, МАН оролцож байна. Улмаар нийслэлийн МАН-ын хороо хуралдаж 45 нэр дэвшигчдээ тодруулсан. Нэр дэвшигчдийн жагсаалтыг ЭНД дарж харна уу. Харин нийслэлийн АН-ын хорооны хурал өчигдөр 00:00 цагт дуусаж, нэр дэвшигчдийг өнөөдөр /2024.09.03/ хэвлэлийн хурлаар зарлахаар болсон. Ингэхдээ Нийслэлийн АН-аас НИХТ-д нэр дэвшигчдийг сонгох хурал “Corporate”-д болсон бол дүүрэгт нэр дэвшигчдийн сонгох хурлыг тусад нь өөр газарт зохион байгуулжээ. 

Тэгвэл одоогоор ил болоод буй мэдээллээр, АН-аас нийслэлийн ИТХ-ын сонгуульд Сонгинохайрхан дүүрэгт лайвчин Д.Мөнх-Эрдэнийг нэр дэвшүүлээд буй. Харин Баянзүрх дүүргийн ИХТ-ын сонгуульд лайвчин О.Отгонтөгсийг, Хан-Уул дүүргийн ИТХ-ын сонгуульд сэтгүүлч С.Будрагчаа нарыг дэвшүүлэхээр болоод байна.

Нэр дэвшүүлсэн нам эвсэл, бие даан нэр дэвшигчид энэ сарын 5-ны өдрийн дотор тухайн шатны сонгуулийн хороонд нэр дэвшигчийн материалаа хүргүүлнэ. Сонгуулийн хороо нэр дэвшигчийн баримт бичгийг хүлээн авснаас хойш 7 хоногийн дотор бүртгэх эсэхийг шийдвэрлэж тогтоол гаргана. Нэр дэвшигчийг бүртгэсэн тухай шийдвэр гарсан тохиолдолд тухайн шатны сонгуулийн хороо энэ сарын 26-нд нэр дэвшигчийн үнэмлэх олгож, нийтэд мэдээлснээр сонгуулийн сурталчилгаа эхэлнэ.

Өөрийн сэтгэгдлээ илэрхийл

Share Tweet