Цахим спортын СS2 төрлийн дэлхийн хамгийн томоохон тэмцээн буюу “Дэлхийн аварга” гэгдэх “Perfect World Shanghai-2024” мажор тэмцээнд "Spirit" баг тэргүүн байр эзэллээ.
Сербиэс гаралтай Spirit багийнхан 2022 онд анх мажорт дөрөвдүгээр байр эзэлж байсан бол тэнд ийнхүү амжилтаа ахиулан 1,250,000$-ын шагналыг хүртэж, аваргын цомыг өргөлөө.
Тэд өчигдөр \2024.12.15\ финалын шатны тоглолтоо хийж, 2022 оны мажорын аварга АНУ-аас гаралтай FaZe Clan багтай учраа таарсан.
Хамгийн эхний тоглолтыг "Nuke" map-аар эхлүүлж 13-8-ын харьцаатайгаар Spirit тоглолтыг тэргүүлж эхэлсэн. Харин тэмцээний хоёр дахь хэсэг "Ancient" map-аар үргэлжилж, FaZe Clan баг 13-6 гэсэн оноогоор тоглолтыг тэнцүүлсэн.
Финалын хайнаа хагалах тоглолт "Dust 2" map-аар эхэлсэн. Энэхүү тоглолтод хоёр баг эн тэнцүү байсан ч Spirit багийнхан 13-11 онооны зөрүүтэйгээр финалын шатны аваргаар тодорсон юм.
Энэ жилийн мажорын аварга багийн талаар мэдээлэл хүргэвэл:
2015 онд байгуулагдсан, Белград хотод төвтэй олон улсын цахим спортын баг юм. Тус багийн дасгалжуулагчаар Оросын мэргэжлийн тамирчин болох Сергей "hally" Шаваев ажилладаг. Түүний хувьд 2007 оноос Counter-Strike-ын ертөнцөд хөл тавьж, таван жилийн турш идэвхтэй тоглож, 2012 ооос эхлэн багийн дасгалжуулагчаар ажиллаж, эхэлсэн.
Багийн бүрэлдэхүүн,
- Leonid "chopper" Vishnyakov \багийн ахлагч\
- Boris "magixx" Vorobyev
- Danil "donk" Kryshkovets
- Dmitry "sh1ro" Sokolov
- zont1x
Spirit багийнхан HLTV.org-оос гаргадаг дэлхийн чансааны дөрөвдүгээрт бичигдэж байгаа баг юм. Ийнхүү тэд цахим спортын төрөлд амжилтаа ахиулж, тив дэлхийд нэрээ тамгалж үлдээлээ.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.