С.Одонтуяа: Эгийн УЦС-ын туслах далангийн ТЭЗҮ-ийн санхүүжилтийг баталлаа, ирэх онд нөлөөллийн үнэлгээг эцэслэнэ
Засгийн газрын ээлжит хуралдаан болж өндөрлөлөө.
Хуралдаанаар гаргасан шийдвэрийн талаар Байгаль орчин, уур амьсгалын өөрчлөлтийн сайд С.Одонтуяа мэдээлэв.
Тэрбээр "Эгийн голын УЦС-ын төсөл 1964 оноос эхлэн яригдсан. ОХУ болон ЮНЕСКО-гийн Дэлхийн өвийн хороотой тодорхой ойлголцолд хүрдэггүй байсан тул удаан хугацаанд гацсан.
Миний бие ОХУ-ын салбарын сайдтай санамж бичиг байгуулсан. Үүний хүрээнд Монголын талаас долоон эрдэмтний баг ажиллаж судалгааны ажлыг амжилттай үргэлжлүүлж байна.
Өнөөдөр Монголын талаас хийж гүйцэтгэх шаардлагатай дөрвөн ажил болон туслах далангийн ТЭЗҮ-ийг боловсруулах санхүүжилтийг Засгийн газрын хуралдаанаар баталлаа. Эдгээр ажлыг шуурхай гүйцэтгэж өгөхийг холбогдох сайд нарт даалгалаа. Ажлын даалгавар, төлөвлөгөөний дагуу явж байна.
Энэ дагуу 2026 оны нэгдүгээр хагаст багтан, ЦС-ын байгаль орчин дахь нөлөөллийн талаарх эцсийн дүгнэлтийг гаргахаар ажиллаж байна. Эцсийн дүгнэлтийн дараа УЦС баривал Монгол Улсын хөгжилд томоохон түлхэц үзүүлнэ гэж үзэж байна" гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
аймаар хөгшин царайтай