"Ерөнхийлөгчийг хятадаар ярьж буй мэт бичлэг түгээсэн хоёр хүнийг баривчилсан"

ҮАБЗ зөвлөлийн хурал зарлаж, ЦЕГ-ын Кибер гэмт хэрэгтэй тэмцэх газрын дэд хурандаа С.Тайван дараах мэдээллийг өглөө.

Тэрбээр, нийгмийн сүлжээнд нэр бүхий хаягаас орчин үеийн технологи, программ ашиглан Монгол Улсын Ерөнхийлөгчийг хятад хэлээр ярьж буй мэт хуурамч мэдээлэл байршуулсан.

Монгол Улсын Ерөнхийлөгчийн нэр төрд халдсан, эвлүүлсэн дүрс бичлэг түгээсэн хэргийг цагдаагийн байгууллага мөрдөн шалгах ажил явуулж байна.

Уг бичлэгийг Монгол Улсын иргэн М,  А нар цахим орчинд түгээж, үндэсний эв нэгдэл, Монгол Улсын тусгаар тогтнолд халдах, бусдын нэр төр, алдар хүндэд халдах, илтэд худал мэдээлэл тараах гэмт хэргийн шинжтэй байж болзошгүй байна.

Бид энэ сарын 20-ны өдөр сэжигтнээс мэдүүлэг авч, Эрүүгийн хэрэг хянан шалгах тухай хуулийн 31.5-д заасны дагуу шүүхийн зөвшөөрөлгүй баривчилсан. Тэд Эрүүгийн хуулийн 13.14-т заасан, хуурамч мэдээлэл түгээх гэмт хэргийг үйлдсэн байж болзошгүй" гэлээ.

Тагнуулын ерөнхий газрын ахлах ажилтан В.Баасанхүү "Үндэсний эв нэгдлийг бусниулах, зэвсэгт үймээн дэгдээх худал мэдээлэл түгээж байна. Прокурорын зөвшөөрсөн хэмжээнд мэдээлэл өгье. Наймдугаар сарын 30-ны өдөр Чаагий Чагнаа хаягаас хилийн отрядыг шилжүүлж, БНХАУ-д өгөх нь гэсэн илт худал мэдээлэл. 09.13-ны өдөр Энхбаяр Пийжий Казах иргэдийг хүмүүжүүлж, залхаан цээрлүүлэхээр томоохон ажил төлөвлөжээ. Бид та бүхэнд буу зэвсэг, галт хэрэгслээр тусална. Хамтдаа тэмцэж, засаг төрийг эргүүлцгээе агуулга, гуравдугаар сарын 13-нд Баян-Өлгий аймагт дайчилгааны хээрийн сургуулилт хийж байна гэх мэтээр Б гэгч нь удаа дараа нийтэлсэн болохыг илрүүлэн, 13,14 заасан, 19 зааснаар мөрдөн байцаалтын ажиллагаа явуулан, прокурорын хяналтад шилжүүлээд байна" гэж мэдээллээ.

Б.ХАШ-ИЛД

Өөрийн сэтгэгдлээ илэрхийл

Share Tweet