Эцэг эхээ хөнөөсөн хэргээр бүх насаараа хоригдох ял сонссон Эрик болно Лайл Менендез нарын ялыг шүүгч хөнгөлсөн байна. Лос-Анжелес дүүргийн дээд шүүхийн шүүгч Майкл Жесик мягмар гарагт /2025.05.13/ шийвэр гаргахдаа тэдний давж заалдах боломжгүйгээр бүх насаар хорих ялыг 50 жил болгож бууруулжээ.
Тэд 26 нас хүрээгүй байхдаа хэргийг үйлдсэн тул Калифорнийн хуулийн дагуу хугацаанаасаа өмнөх суллагдах эрхтэй болж байгаа юм. Одоо тус мужийн өршөөлийн зөвлөл тэднийг шоронгоос эрт суллах эсэхийг шийдэх ёстой. Шүүгч Жесик “Би тэднийг суллах ёстой гэж хэлээгүй, энэ бол миний шийдэх зүйл биш. Гэхдээ өнгөрсөн 35 жилийн хугацаанд тэд хангалттай зүйл эдэлсэн гэж би итгэж байна. Мөн тэдэнд боломж олгох ёстой гэж би итгэж байгаа” гэсэн юм.
Менендезийн ах дүүс 1996 онд эцэг эхээ хөнөөсөн хэргээр бүх насаараа хоригдох ял сонссон. Тухайн үед тэдний өмгөөлөгч нар ах дүүс эцэг эхийнхээ гарт бэлгийн хүчирхийлэлд өртөж, өөрсдийгөө хамгаалахын тулд тийм зүйл хийсэн гэх аргументийг дэвшүүлж байсан юм. Харин прокурорууд тэд олон сая ам.доллар өвлөж авахын тулд эцэг эхээ хөнөөсөн гэх аргументийг дэвшүүлсэн. Тэдний хэрэг олон нийтийн анхаарлыг ихээхэн татаж ирсэн.
Эх сурвалж: Associated Press
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.