Монголын зүүн хязгаарт гарсан түймэр хэдэн зуун мянган га талбайг хамарсан байгаль орчны ноцтой хохирол төдийгүй, Япон, Хятад хоёр улсын харилцаанд нөлөөлж болзошгүй шинэ сэдэв болон өргөжих нь үү гэдэг асуулт хөндөгдөв. Уг нь Нөмрөгийн түймрийн шалтгаан нөхцөл, хохирлын хэмжээ, байгаль орчны нөлөөллийн үнэлгээ, хариуцлага хүлээх этгээдийг Монголын эрх бүхий байгууллагууд эцэслэн тогтоох учиртай ч Хятадын төрийн хэвлэлүүд энэ хэрэгт Японы KDDI компанийг хариуцлага хүлээхийг шаардаж эхэлжээ.
Хэрэв мөрдөн шалгалтаар Японы KDDI компанийн охин компани болох “Мобиком”-ын үйл ажиллагаатай холбоотойгоор түймэр гарсан нь тогтоогдож, хохирол барагдуулах үүрэг үүсвэл хохирлыг барагдуулж, байгаль орчныг нөхөн сэргээхээс гадна хил дамнасан үр дагавар, хөрш орнуудын харилцааны асуудлыг Монгол Улс зохицуулах шаардлагатай болж мэдэх нь.
“Global Times”: Хятад улс түймэр хил даван орж ирэхээс сэргийлэн 3400 гаруй хүн дайчилсан
2026 оны аравдугаар сарын 8-нд Дорнод аймгийн Халхгол сум, Нөмрөгийн дархан цаазат газрын цөм бүсэд гарсан түймэр нийтдээ 528,765.5 га талбайг хамарсан гэж БНХАУ-ын Синьхуа агентлаг орон нутгийн хэвлэлүүд болон Байгаль орчин, уур амьсгалын өөрчлөлтийн яамны мэдээлэлд тулгуурлан уламжилжээ. Үүний 468,965.7 га буюу ойролцоогоор 80 хувь нь дархан цаазат газрын тусгай хамгаалалттай бүсэд хамаарч буй.
Урьдчилсан мэдээллээр, Японы харилцаа холбооны KDDI компани 98.85 хувийг нь эзэмшдэг “Мобиком” компанийн удирдлагуудын зорчиж явсан автомашин шатсанаас хуурай өвсөнд гал алдсан гэж үзэж байгаа. Тухайн өдөр таван автомашинтай цуваа дархан цаазат газарт нэвтэрсэн бөгөөд албан бус эх сурвалжууд тэднийг нэн ховор амьтан агнах, загасчлах зорилгоор явсан байж болзошгүй гэж мэдээлсэн. Тухайн газарт байсан “Мобиком”-ын гүйцэтгэх захирал Ясүхиро Очи аравдугаар сарын 14-нд Монголын ард түмнээс уучлал гуйж, учруулсан хохиролд харамсаж байгаагаа мэдэгдсэнийг уншигчид санаж буй биз.
Тэгвэл Хятадын төрийн мэдлийн “Global Times” сонин Японы компани болон хариуцлага хүлээх хүмүүс Хятадаас уучлалт гуйх ёстой гэж мэдэгдсэн байна. Тус сонины тайлбарт Хятад улс галыг хил даван орж ирж, тархахаас сэргийлэхийн тулд 3400 гаруй онцгой байдлын ажилтан алба хаагчдыг дайчилж, бараг долоо хоногийн турш ажиллуулсан бөгөөд үүнд ихээхэн зардал гаргасан гэжээ. Тухайлбал, гал сөнөөгчид галын зурвас өргөжүүлэх, шатамхай ургамлыг цэвэрлэх, хил орчмын хэсгүүдэд эргүүл хийх, гал хил давсан тохиолдолд шуурхай унтраах бэлтгэл хангах арга хэмжээ авсан байна. Мөн түймрийн голомтын ойролцоо үүлэнд зориудаар нөлөөлж, хур тунадас оруулах ажиллагаа зохион байгуулжээ.
Хятадын төрийн хэвлэлүүд KDDI-г уучлалт гуйхыг шаардав
Нөмрөгийн түймрийн асуудал Хятадын хэвлэл мэдээллийн орон зайд хэрхэн тусаж буй нь анхаарал татахуйц байна. “South China Morning Post” болон Хятадын төрийн мэдлийн “China Daily” сонины тайлбарууд түймрийг зөвхөн Монголын байгаль орчны асуудал бус, Хятадад учирч болзошгүй хил дамнасан эрсдэл хэмээн онцолжээ.
Тус сонины зүгээс Японы харилцаа холбооны KDDI компанийг уучлалт гуйхыг шаардан, хариуцлагыг тодруулах, Хятадын олон нийтийн санаа зовнилд тодорхой хариу өгөх хэрэгтэй хэмээн тодорхойлсон байна. Мөн Бээжин хотын захиргааны “Beijing Daily” сонины ажиллуулдаг “Changanjie Zhishi” цахим сувгаар япон компанийн аяллын зорилгыг нуун дарагдуулсан гэх шүүмжлэл гаргажээ. Уг тайлбарт Монголын хэвлэлүүдэд гарсан ан агнуур, загасчлалын талаарх мэдээллийг эшилж, компанийн тайлбар болон уучлалт нь үнэн бодит нөхцөл байдлыг бүрэн илэрхийлж байгаа, эсэхэд эргэлзсэн тухайгаа дурдсан байна.
Ийнхүү Монголын зүүн хязгаар нутаг, Нөмрөгийн түймэртэй холбоотой асуудал Хятадын төрийн хэвлэлүүдэд Японы компанийн хариуцлагыг онцлон тавих нэгэн шинэ сэдэв болсон бололтой. Гэхдээ түймрийн шалтгааныгэцэслэн тогтоож, хохирлын үнэлгээг нарийвчлан гаргаж, барагдуулах асуудал нь бодит баримтад тулгуурлан шийдвэрлэх нь нэн түрүүний асуудал юм.
Б.ОЮУНСАЙТАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Nomrogiin tuiymer Japon Hyatadiin zörchliin shine sedev boloh ni ch uls toriin tom togloom bolloo shd
Улс орнууд маань өөрсдийнхөө хилийн цаана гарсан түймрээр дамжуулаад геополитикийн тоглоом хийж байна
Global Times bolon China Daily gsed l Hyatadiin hevleluud KDDI companias uuchlal guihg shaardaj ehellee
Монголын дархан цаазат газарт очиж ховор ан амьтан агдсан гэх асуудал нь одоо олон улсын хэмжээний дуулиан боллоо
Zasgiin gazarin hiij bgaa ajil n zver l ard tumnii anhaarlig holduulax, lobi hiih l arga shd
Япон компаниас болж гарсан түймэр хил даваад Хятадын талд эрсдэл учруулсан нь үнэхээр ноцтой асуудал
Ene buh asuudlig bygd l medej bgaa murtluu dandaa l dald lobi hiigeed mungu idekhiig boddog
Хятадын төрийн хэвлэлүүд энэ асуудлыг ингэж дэвсэж байхад манай эрх баригчид таг чиг л сууцгааж байна
Sanal asuulga ntr gsn chin zver l ard tumnii anhaarlig uur tiish ni tahih gsen zarlag
Таван автомашинтай цуваагаар дархан цаазат газарт нэвтэрч яваад гал алдсан гэдэг чинь улаан цайм хууль бус үйлдэл
Zasgiin gazarin amlalt gsn n zugeer l 1 jiliin dotor hoishlodog zavaan yum bolloo shd
Япон болон Хятадын дипломат харилцаанд хүртэл нөлөөлж болзошгүй энэ асуудлаар Монголын төр дуугарах хэрэгтэй
Хятадын талаас гал унтраахад гаргасан зардлаа Монголын тавиас эсвэл тухайн компаниас нэхэмжлэх нь тодорхой
Моббикомын удирдлагуудын зугаалж яваад тавьсан галаас болж улс орон даяараа ийм байдалд хүрэх гэж дээ
Хятадын хэвлэлүүдээр Японы компаниуд уучлал гуйх ёстой гэж бичиж байгаа нь манай эрх баригчдад сануулга болж байна
Ene buh asuudlig bygd l medej bgaa murtluu dandaa l dald lobi hiigeed mungu idekhiig boddog