АН-ын бүлгийн дарга Д.Ганбат асуулт асуух хугацааг НЭМЭХГҮЙ гэж “уурлав”
УИХ-ын чуулганы нэгдсэн хуралдаан үргэлжилж байна.
Дөнгөж сая Үндсэн хуулийн цэцийн 12-р тогтоолыг хэлэлцэж дууслаа. Үүгээр уг дүгнэлттэй санал нийлэхгүй гэсэн томъёоллоор санал хураахад гишүүдийн олонх нь дэмжсэн. Улмаар парламент тус 12-р тогтоолыг хүлээж авсангүй.
Үргэлжлүүлээд Шүүхийн тухай хуулийн шинэчилсэн найруулгын төслийг хэлэлцэж эхэллээ. Хуулийн төслийг УИХ-ын гишүүн Б.Энхбаяр уншиж танилцуулав.
УИХ-ын дарга Г.Зандашатарын зүгээс уг хуулийн төслийг хэлэлцэхдээ гишүүдэд асуулт асуух 2 биш 3 минутын хугацаа тавья, өөрөөр хэлбэл нэмэлт 1 минутыг нэг мөсөн тооцож явъя гэдэг санал тавилаа. Гэтэл АН-ын бүлгийн дарга Д.Ганбат чуулганы дэг зөрчин уурлаж, “2 минутаараа явмаар байна” гэв.
Г.Занданшатар “АН-ын бүлгийн дарга намынхаа гишүүдийн үг хэлэх эрх чөлөөг боож байна. 2 минутаар нь явъя даа” гээд хэлэлцүүлгийг эхлүүллээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.