НИЙГЭМ

МУИС-ийн захирал Б.Очирхуяг: Цахим сургалтын төлбөрийг хөнгөлөх ямар ч үндэслэл байхгүй

МУИС-ийн захирал Б.Очирхуяг цаг үеийн асуудлаар мэдээлэл хийлээ.

Тэрбээр:

“Сүүлийн үед МУИС-ийн нэр хүндэд халдсан, багш ажилчид, оюутан залуусын хичээл зүтгэлийг үл хүндэтгэсэн мэдээллүүд хөвөрч байгаатай холбогдуулж хариу мэдэгдэл, зарим анхааруулгыг хийж байна.

Гурван чиглэлээр тодорхой мэдээлэл өгье.

Юун түрүүнд МУИС-ийн цахим сургалтын талаар нэлээдгүй асуудал хөндөгдөж байна. МУИС 2020-2021 оны хичээлийн жилийн намрын улиралд 210 мянга гаруй цагийн хичээл зохион байгуулснаас тал хувийг нь цахимаар явуулсан. Цахим сургалтын чанарыг сайжруулах олон ажлыг хийсэн. Үүнийг үнэлэхэд багш нар болоод оюутнуудын өөрсдийн сэтгэл ханамжийн үнэлгээ маш чухал байдаг. Энэ намрын улирлын цахим сургалтын талаарх судалгаанд 13 мянга 300 оюутан, 760 гаруй багш нар хамрагдсан. Ингэхэд танхимын сургалттай адил хэмжээнд байсан гэж нийт суралцагчдын 81.7 хувь нь үнэлсэн байдаг юм. Иймд цахим сургалтын чанар хангалтгүй байгаа, зохих түвшинд хүрээгүй гэдэг мэдээлэл байж болохгүй шүү гэж хэлмээр байна.

Хоёрт, цахим сургалтын төлбөрийг зарим байдлаар хөнгөлөх боломжтой эсэхийг оюутнууд цахимаар болон тодорхой хэлбэрээр илэрхийлж байх шиг байна. Цахим сургалтын үйл ажиллагааг хэвийн явуулахын тулд МУИС санхүүгийн хувьд шийдэл гаргаж байгаа гэдгийг хэлмээр байна. Иймд цахим сургалтын төлбөрийг бууруулах ямар ч үндэслэл байхгүй шүү гэдгийг хэлье. Нийт багш нарын 94 хувь нь оюутнуудтайгаа эргэх холбоотой ажилласан гэдэг судалгаа гарсан. Харин цар тахлын үед сургалтын төлбөрийг төлөх уян хатан зохицуулалтыг өнгөрсөн жилийн хаврын улиралд ч хийсэн, цаашид ч хийнэ.

Гуравт, Боловсролын зээлийн сангийн авлагатай оюутнуудыг төгсгөхгүй байгаа гэдэг ор үндэсгүй мэдээлэл. Өчигдрийн /2021.01.13/ Засгийн газрын мэдээллээр энэ асуудал бүрэн шийдэгдсэн.

Эцэст нь хэлэхэд сургуулийн нэр хүндэд халдсан, багш нар болоод оюутнуудын хичээл зүтгэлийг дутуу үнэлсэн, тооцоо судалгаагүй мэдээллийг хэвлэл мэдээллийн хэрэгслүүдээр цацахгүй байхыг хүсэж байна” гэлээ.

Г.САНСАРМАА

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

16 Сэтгэгдэл

  1. ЗҮЙТЭЙ ДУНД СУРГУУЛИЙН СУРГАЛТЫН ТӨЛБӨРӨӨС БАГА ТӨЛБӨР ТӨЛЖ БАЙЖ ЮУГ НЬ ЭРГҮҮЛЖ АВАХ ГЭЭД БАЙДАГ БАЙНА. ПОП УЛС ТӨРЧДИЙН ГАЙГААР МОНГОЛЫН ИХ ДЭЭД СУРГУУЛИУД МӨХЛИЙН ЗАМДАА ОРСОН ШҮҮ

  2. маш зөв их сургуулийн удирдлага хүн шиг жинтэй товч тодорхой хариулт өгчээ үнэхээр багш ажилтнуудын хүч хөдөлмөрийг үнэлэх нэр хүндийг хамга####ах цаг болсон дэлхийн хэмжээний дээд боловсролыг дэлхийд хамгийн хямдаар чанартай олгодог сургууль хаа ч байхгүй төгсөгчид нь дэлхийн өндөр хөгжилтэй орнуупап гайхагдан ажиллаж байна цорын ганц их сургуулиа бусад сургуулиудаас дээш өндөрт өргөх цаг болжээ

  3. Өөрийнхөө сургуулийн пэйж руу нэг шагайгаад харчихаарай. Бүх зүйл ок бн уу гүй юу. Багш нар чинь оюутнуудтайгаа харилцаж чадаж бн уу гүй юу. За тэгээд ганц тодорхойлолт авах гэж яаж бөөн юм болж бгааг гэх мэт……..

  4. ӨӨРӨӨ 81,7 ХУВЬ , 94 ХУВЬ ГЭЖ ХЭЛЭЭД ӨГЧ БАИГАА ЮМ БИШҮҮ ???? 100%-81,7% , 100%-94% —ҮЛДСЭН 18,3 ХУВЬ ДЭЭР 6 ХУВЬ НЭМЭГДЭЭД 24,3 ХУВИИГ ХӨНГӨЛХӨӨР БАИГАА БИЗДЭЭ ….

  5. Тѳлбѳрийн уян хатан нѳхцѳлийг сайжруулаад хичээл сонголтоо хийснээс 48 цагийн хугацаанд бат####гаажуулахыг 1-2 сард багтаан тѳлбѳрѳѳ тѳлѳхѳѳр сунгаж ѳгвѳл бас энэ ажилгүйдэлтэй үед их хэрэгтэй байна.

  6. Сург####тын т####бөрыг нь хөнгөлөх үндэслэл байхгүй юм бол хичээл чинь танхимийн хичээлтэй ижил байсан гэх нотолгоо үндэслэл чинь хаана байна худлаа амандаа орсон үгээ бураад байх юм. Цуцу ичиж үхэцгээсээ

  7. Ard tumnii amidralaas tasartsan yvaaa luivarchin guai. Surgaltiin tulbur bitgii hel hoolnii mongogui bolchihood bna. Tglee gd surguulia hayhuu heden myangaaraa. Henii huchind surguuli gej yvdagiin. Oyutnuud bhgui bol surguuli bh ymarch shaardlagagui shuu

  8. Танай сургууль уншаад болчихдог мэргэжил ихтэй нь юм бгз практик ихтэй мэргэжлүүдийг яаа гэх гээв эмч бхд онлайнаар тариа тарьж хүн оношилж сурах уу онлайнаар шүд авах уу!!!!!! Тэр бас хувийн үнэтэй дунд сургуульд хүүхдүүдээ сургаж бга эцэг эхчүүд хохьчино. Энэ бол бид нарын асууд#### олон юм ярилгүй хүүхдээ олигтойхон төгсөг!!!

  9. Tolboroo tolohod hetsuu baina. Tgd yah ystoi ym? Choloo awah ystoi yu ydaj 20% hongolohod uhlee yu. Ard tumen cne surgaltin tolbor baitugai hoolnii mongogu bn ###nuudaa.

  10. Хүүеэ эцэг эхчүүд ажилгүй зогсчихсон, энэ цар тахлын нөхцөл байд####тай нэг удаадаа төлбөрөө цувуулж авч болдоггүй юм уу, энэ үед хэнээс хаанаас мөнгө хайх вэ бүгд шахуу мөнгөгүй байна шдээ, ингэлээ гээд хүүхдээ жил өнжүүлмээргүй байна шүү дээ

  11. Ор үндэсгүй худ#### юм л яриад хуцаад байх юм. 81%-ийн сэтгэл ханамж эдр битгий хуц. Одоогийн оюутан з####уусаа юм ойлгохгүй тэнэг хүмүүс гэж бодоод байгаа юмуу. Харин ч та нараас илүү мэдлэг мэдээлэлтэй, юмыг илүү наанатай цаанатай ойлгодог хүмүүс шүү. Дахиад ийм хогийн юм яриад байв#### эцсээ хүртэл тэмцэж жагсаад, энэ хэдэн чанаргүй сург####ттай ИХ ДЭЭД сургуулиудыг чинь ха####гачихаж чадна шүү

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button