Нийгмийн
БЗД-ийн 17-р хорооны эмийн сан, шатахуун түгээх станц, түлш борлуулах цэг, худаг, дэлгүүр АЖИЛЛАНА
Коронавирусийн тохиолдол батлагдаж, голомтлон тархах нөхцөл байдал үүссэн тул БЗД-ийн 17-р хорооны нутаг дэвсгэрт энэ сарын 16-ны 23:00 цаг хүртэл хязгаарлалтын дэглэм тогтоогоод буй.
Тухайн хороо нь 2814 өрхийн 9758 иргэд оршин суугчтай бөгөөд 18-аас дээш насны бүх иргэдээс PCR шинжилгээ авч байгаа аж. Тодруулбал, Тус хорооны нутаг дэвсгэрт байнгын:
- 79-р сургуулийн хичээлийн 1-р байр
- Хорооны иргэний танхим
- 17-р хороо эмнэлгийн 4-р гудамж
- 21-р худагтай байр
Мөн явуулын 6 нийт 10 цэгт иргэдийг шинжилгээнд хамруулж байгаа юм байна.
Тухайн хорооны нутаг дэвсгэрт байрлах эмийн сан, шатахуун түгээх станц, түлш борлуулах цэг, худаг, хүнсний дэлгүүрээс бусад ААНБ-ын үйл ажиллагааг энэ хугацаанд зогсоогоод байна. Мөн томоохон авто захууд болох “Да хүрээ”, “Монбит”, “Цахлай” зэрэг авто захуудын үйл ажиллагааг түр зогсоожээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.