НИЙГЭМ

О.Батханд: Миний гар утасны яриаг чагнах эрхийг ТЕГ-т өгч байна

Өнөөдөр /2021.01.22/ Монгол Улсын Ерөнхийлөгчийн хэвлэлийн төлөөлөгч О.Батханд мэдээлэл хийлээ.

Тэрбээр:

“Өнөөдөр Ерөнхийлөгч албан өрөөндөө дуудаж уулзлаа. Нийслэл Улаанбаатар хотноо нэгдүгээр сарын 20-ны өдөр тайван жагсаал болсон. Уг жагсаалыг зохион байгуулсан байж болох хүмүүсийн дунд миний нэр орсон байгааг Ерөнхийлөгч хэллээ.

Би Ардчилсан Монгол Улсад амьдарч буйн хувьд ямар баримтад үндэслэн намайг уг хэрэгт холбогдуулсныг асуух нь зүйн хэрэг. Би АН-ын гишүүн. 2012 оноос хойш өнөөдрийг хүртэл үзэл баримтлалдаа хэвээр байгаа. Энэ хугацаанд ялсан, ялагдсан талд очиж үзээгүй бие хүн.

Эрүүгийн хуулийн 13.14-т зааснаар илт худал мэдээлэл тараах нь өөрөө гэмт хэрэг.

Тухайн жагсаалд “Үнэн ба зөв” намын дарга А.Отгонбаатар, сонгуулиар МАН талд ажилласан Б.Цэцэг, ХҮН-ын дарга Т.Доржханд нар ч тэнд лайв хийгээд явж байсан. Миний дүгнэснээр бүх намын төлөөллүүд үзэл бодлоо илэрхийлэхээр цугларсан байсан. Ерөөс ард түмэн өөрийн сэтгэлийн дуудлагаар ирсэн гэж харж байгаа. Тэгэхээр үүнд Ерөнхийлөгч болоод ЕТГ ямар ч оролцоо байхгүйг батлан хэлж байна. Иймд нэр төрөө сэргээлгэхээр албан ёсоор шүүхэд хандаж байна.

Энэ үүднээс О.Батхандыг ТЕГ болон холбогдох хууль хүчний байгууллагад утасны ярианыхаа 20 өдрийн датаг, боломж нь байгаа бол хоёр жилийн датаг сонсох эрхийг олгож байна. Эцэст нь ЕТГ ямар ч хамааралгүй, Ерөнхийлөгчийн хэвлэлийн төлөөлөгч О.Батханд бүр ч хамааралгүй гэдгийг хэлье” гэлээ.

Г.САНСАРМАА

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

10 Сэтгэгдэл

  1. Чух#### царайлаад ..гол юмныхаа учрыг мэдэхгүй хүүхэн байна даа.. Чамайг гэмт хэрэгт холбогдуулж гүтгэсэн хүн байхгүй байх шүү

  2. Энэ хүүхэн одоо би эрхзүйч гэхийн тэгсэн мөртөө Тег.т миний утасыг чагнах эрхийг өгч бна гэхийн, ийм мэдлэггүй нөхөр үү!

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button