Цахим тоглоомын газар ажиллаж байна гэх дуудлагаар цагдаагийн байгууллага шалгалт хийж байна
Баянгол дүүргийн 12 дугаар хороонд цахим тоглоомын газар ажиллаж байна гэсэн дуудлага манай редакид ирсэн юм.
Бид уг мэдээллийн мөрөөр газар дээр ирэхэд цагдаа нар тухайн байранд хяналт шалгалт хийж байлаа. Цагдаагийн байгууллага мөн иргэнээс ирсэн дуудлага мэдээллийн дагуу 3-4 дүгээр хорооллын Бичилд байрлах үйлчилгээний зориулалттай уг байранд шалгалт хийхээр ирсэн байна.
Хаалга түгжээтэй байсан тул хаалгыг эвдэж дотогш орсон бөгөөд дотор хүн байгаагүй ч дөрвөн давхарт хэд, хэдэн ширээ тойруулан, мөрийтэй тоглож байсан дүр зурагтай байсныг тэнд ажиллаж буй цагдаагийн алба хаагчид бидэнд мэдээллээ.
Одоо тухайн барилгын бүх давхарт шалгалт хийж, бүх эд зүйлийг битүүмжлэх аж. Мөн тухайн байр хэнийх болохыг тогтоохоор цагдаагийн байгууллага ажиллаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.