Налайх дүүрэгт батлагдсан тохиолдол ӨЧИГДӨР 18:00 цагийн үед хот руу автобусаар явжээ
Налайх дүүрэгт коронавирусийн хоёр тохиолдол бүртгэгдэж, хэсэгчлэн хөл хорио тогтоосон талаар бид мэдээлсэн. Тухайн иргэд өнөөдөр 13:11 цагт халдвартай болох нь батлагдсан бөгөөд дүүргийн Онцгой комисс хуралджээ. Улмаар ойрын хавьтал болон, гэр бүлийнхнийг нь тусгаарлажээ.
Одоогийн байдлаар НЭМТ-ийн дөрвөн тандалтын баг ажиллаж ойрын 7, дам 63 хавьтал, ойролцоо 4 гудамжны 70 орчим айлын шинжилгээг авч ХӨСҮТ рүү илгээхээр бэлдээд буй аж. Тэдний үйлчлүүлсэн болон явсан газар болох VII хорооны 1 гудамж, 1 орц, 2 худалдааны төв, 1 албан байгууллагад тодорхой хугацаагаар хэсэгчилсэн хориог тогтоожээ.
Тухайн хоёр иргэн нь Налайх дүүрэгт амьдардаггүй, харьяаллын бус хүмүүс бөгөөд СХД-ийн нутаг дэвсгэр, SUNDAY плаза, TBD андууд, бичил хороолол, Хархорин худалдааны төвөөр явсан байна.
Мөн батлагдсан нэг тохиолдол нь хоёрдугаар сарын 1-ний 18:00 цагийн орчим хот руу автобусаар явсан ажээ. Иймд энэ цаг хугацаанд автобусаар хот руу явсан иргэд харьяа дүүрэг, оношлогооны төвд шинжилгээ өгч өөрийгөө хянах шаардлагатай байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.