Нийгмийн

Ц.Бархас: Энэ ялалт ганц миний биш манай гэр бүлийн хамтын хөдөлмөр

“Монгол HD”, “Ард” санхүүгийн нэгдэлтэй хамтран Америкийн алдарт MGM продакшны бүтээл “The Apprentice” бизнесийн реалити шоуг зохион байгуулж, Ц.Бархас яллаа. Шоу дууссаны дараа тэрбээр өөрийн цахим хуудаснаа тэмцээнд оролцсон сэтгэгдлээ илэрхийлжээ. Тэрбээр “Юуны өмнө дэлхийн хэмжээний шоу Аппрентис нэвтрүүлгийг Монголдоо маш өндөр хэмжээнд үнэхээр мундаг зохион байгуулсан Монгол ТВ, Ард Санхүүгийн Нэгдлийн удирдлагууд болон нийт ажилтнуудад нь гүнээ талархал илэрхийлье.

Хэдий нэвтрүүлгийн туршид би ганцаараа даалгавар биелүүлж явсаар өдий хүрч байгаа юм шиг харагдавч энэ ялалт нь ганц миний биш манай гэр бүлийн хамтын хөдөлмөр, хамтын ялалт байлаа. Хоёр хүүхдээ харж үлдээд арыг минь бат даасан эхнэр маань, тэдэнд маань үргэлж тусалж дэмжиж байсан хоёр талын аав ээж, ах дүү нар та нар маань жинхэнэ ялагчид юм шүү.

Аппрентисаас авсан бас нэгэн үнэ цэнэтэй зүйл маань нөхөрлөл байлаа. Өрсөлдөх үедээ ил цагаан шударга өрсөлдөж, нөхөрлөх үедээ үнэнч сайхан нөхөрлөсөөр бид амьдрал туршид хамт байх анд найзууд болцгоосоон. Салбар салбартаа цахиур хагалагч, шинэ санааны дуусашгүй эх ундарга, хурдтай, хүчтэй, шинэ үеийн манлайлагч, түчээлэгч гээд та нар маань шилдгийн шилдгүүд билээ.

Ард Санхүүгийн Нэгдэлд Ч.Ганхуяг захирлын санал болгосон ажлын байранд орж хүлээлгэсэн их итгэлийг нь даан, илүү ХҮЧТЭЙГЭЭР, илүү ихийг ХАМТДАА бүтээх болно. “Хөрөнгө Оруулагч Үндэстэнг Цогцлооно” гэсэн бүхэл бүтэн үндэстний хэмжээний амбиц, үзэл санааны төлөө өөрийнхөө ур чадвар, мэдсэн сурсан бүхнийг зориулж, зүтгэн ажиллах болно. Галтай цогтой, одтой хийморьтой Ард Санхүүгийн Нэгдлийн чадварлаг залуустай нэгдэж нэг баг болж байгаадаа туйлын баяртай байна.

Мөн хожиход минь баярлан хөөрч, хожигдоход минь хамтдаа халаглаж нэвтрүүлгийн туршид намайг дэмжин суусан та бүхэндээ хамгаас их баярлалаа.

Зорилготой, Зоригтой, Зогсолтгүй, Зөв байя” гэжээ.

Э.СИЙЛЭН

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button