Шатахуун тээвэрлэж явсан автомашин замын хажуу руу унажээ
Өмнөговь аймаг, Цогт-Овоо сумын “Өгсөх” гэдэг газар ачааны автомашины чиргүүл салж авто замын зорчих хэсгийн хажуу руу унаж шатахуун асгарсан байна. Энэ тухай дуудлага мэдээллийг өчигдөр 11:05 цагт хүлээн авч, тус аймгийн Онцгой байдлын газрын 1 алба хаагч, 1 автомашин, цагдаагийн газрын 3 алба хаагч, мэргэжлийн хяналтын газрын 1 ажилтан, сумын мэргэжлийн ангийн 13 хүн, 3 автомашин, нийт 18 хүн, 4 автомашинтай 14:21 цагт очжээ.
Улаанбаатар хотоос Өмнөговь аймгийн Цогтцэций сумын чиглэлд 53 тонн шатахуунтай зорчиж явсан “Илч-Өртөө тээвэр” ХХК-ийн 09-18 УНМ улсын дугаартай, “Хово 33-4257 загварын ачааны автомашины чиргүүл салж авто замын зорчих хэсгийн хажуу руу унаж шатахуун асгарсан байсныг хамгаалалтад авчээ. Улмаар асгарч байсан түлшийг зөөвөрлөж аюулгүй болгосон байна.
Э.СИЙЛЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.