Монголын сагсан бөмбөгийн өнөө цагийн хамгийн шилдэг дасгалжуулагчдын нэг Одонбаатарын Баярцогтод Гавьяат дасгалжуулагч цол олгохоор болжээ.
Тэрбээр шигшээ багийг 2014 оны Азийн наадамд дасгалжуулахдаа шилдэг наймд шалгаруулж, “Бөртэ чоно” шагнал хүртсэнийг хүмүүс сайн мэднэ.
О.Баярцогтын дасгалжуулагчийн замнал шигшээ багас гадна “Хасын хүлэгүүд”, “Этүгэн ирвэсүүд” багтай салшгүй холбоотой. Багаа, шавь нараа оюутны, дээд лигийн олон олон удаагийн аварга болгосон шилдэг дасгалжуулагч билээ.
Тэрбээр тамирчин байхдаа 1994 оноос холбооны дээд лигийн “Азийн чоно”, “Бизнесийн чөтгөрүүд”, “Азарганууд” багт тоглож, дээд лигт гурван удаа түрүүлсэн.
Одоо шавь нараа амжилтад хүргэн, өөрийнхөө амжилтын үргэлжлүүлж яваа билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.