Баянзүрх дүүргийн 11-р хороонд байрлах Адам, Ева хөшөөний баруун талд өмнө нь зургаан метр гүн бүхий тогтоол нууртай загас үржүүлгийн газар байсан.
Харин загас үржүүлгийн газар байхаа больсон цагаас эхлэн иргэд уг нууранд очиж амарч, зугаалах тохиолдол ихэссэн бөгөөд 2020 оны байдлаар нийт 14 иргэн усанд живж амь насаа алджээ. Үүний 11 нь насанд хүрсэн, гурав нь хүүхэд байсан байна.
Иргэдийн дийлэнх нь насанд хүрсэн байсан бөгөөд ихэнх нь эндэх үедээ согтууруулах ундаа хэрэглэсэн байсан аж. Тиймээс Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс тус газар ажиллаж, замыг хаах, иргэдийг гол усны аюулаас урьдчилан сэргийлэх заавар зөвлөмжийг тогтмол өгч, Цагдаагийн алба хаагчид эргүүлээр болон, цэгүүдэд байршиж 24 цагаар үүрэг гүйцэтгэж байна.
Иргэн та урин дулаан цаг ирсэнтэй холбогдуулан гол, нуур орчимд амрахаар явахдаа өөрийгөө болон хайртай бүхнийхээ төлөө сонор сэрэмжтэй байж, болзошгүй эрсдлээс өөрсдийгөө хамгаалаарай.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Neriig ni solivol taarna