УИХ-ын ээлжит бус чуулган зарлаж, ХОЁР ЯАМ шинээр байгуулах уу
Ирэх есдүгээр сарын эхээр УИХ-ын ээлжит бус чуулган зарлагдах магадлалтай байна. Тодруулбал, ээлжит бус чуулган хуралдвал Засгийн газрын бүтэц бүрэлдэхүүнд өөрчлөлт оруулах шинээр хоёр яам байгуулах асуудлыг хэлэлцэх аж. Эдийн засгийн яам, Цахим хөгжлийн яамыг шинээр байгуулах сураг дуулдаж буй юм.
Ерөнхийлөгчийн сонгуулийн өмнө хийгдсэн МАХН-ын Н.Энхбаяр тэргүүтнүүдэд Засгийн газрын хоёр сайд, нэг дэд сайд, хоёр төрийн нарийн бичгийн даргын албан тушаал өгөх тохироо бий. Үндсэндээ энэ тохироо хийгдэнэ гэсэн хардлага байгаа юм.
Мөн Ерөнхий сайд “Шүгэл үлээгчийн хууль”-ийг батлах төлөвтэй байна. Хууль зүйн сайд Х.Нямбаатар “Наймдугаар сард багтаж Засгийн газраас шүгэл үлээгчийн тухай хуулийн төслийг боловсруулж, УИХ-д өргөн мэдүүлнэ” хэмээж байсан билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.