Арабын Нэгдсэн Эмират Улс аялал зугаалгын зориулалтаар дрон хөөргөхийг хуулиараа хориглосон талаар “Вашингтон Пост” /The Washington Post/ агентлаг мэдээллээ.
Эл хоригийг саяхан АНЭУ-ын барилга байгууламжууд руу Йемений хуситууд халдлага үйлдсэний дараа гаргажээ. Халдлагыг чухамхүү дрон ашиглан үйлдсэн юм.
Тус улсад дрон ашиглахдаа зохих байгууллагаас нислэгийн зөвшөөрөл авах ёстой хууль дүрэм үйлчилдэг. Хэрэв зөвшөөрөлгүйгээр дрон нисгэвэл хуулийн өмнө хариуцлага хүлээлгэнэ.
Өмнө нь, Йемений Хуситуудын зэвсэгт бүлэглэл тус улсад халдлага үйлдсэн ба тэд нэгдүгээр сарын 20-ны өдөр мэдэгдэхдээ, Саудын Араб тэргүүтэй үндэстэн дамнасан эвслийн удирдагчдын Йемен улсад явуулж буй цэргийн үйл ажиллагааг эсэргүүцэж, хариу арга хэмжээ болгож халдлага үйлдсэн гэсэн тайлбар хийсэн. Хуситууд тэсрэх бөмбөгтэй дрон ашиглан АНЭУ-ын олон объект руу халдсан юм.
АНЭУ-ын хэвлэл мэдээллийн хэрэгслүүдээр, Үндэстэн дамнасан эвслийн арми мөн өдөр Йемен улсын Сана хотын олон улсын нисэх онгоцны буудлаас Саудын Араб руу илгээсэн Хуситуудын зэвсэгт хүчний тэсрэх бодистой дроныг саатуулсан гэсэн.
(Эх сурвалж: Voa News)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
манайд бас энэ хууль хэрэгтэй байна
НИСДЭГ ТАКСИ БОЛОН МАШИНДАА ЗАМ БЭЛДЭХ АЛС ХЭТИЙН БОДЛОГО БИЗДЭЭ.