Америкийн сэтгүүлч: АНУ Киевийн дэглэмийн худал мэдээллүүдийг шүүлтүүргүй нийтэлдэг

Америкийн сэтгүүлч Майкл Трейси хэлэхдээ, Украины эрх баригчид Киев мужийн Буча хотод болсон үйл явдлын талаар “пропоганда” буюу суртал ухуулгын материал ашиглаж байгаа нь АНУ-ыг тус улсад өрнөж буй дайнд татан оролцуулах хэрэгт түлхэж байна гэлээ. Холбоотой мэдээллийг https://eguur.mn/310712/ хуудаснаас үзнэ үү.

Энэ мэдээнд Оросын цэргүүд Киев хотыг орхин явахдаа энгийн номхон зэвсэггүй иргэд, тодруулбал хүүхэд, эмэгтэйчүүдийн амийг хөнөөсөн гэж байгаа юм.  

Гэсэн ч, АНУ болон Барууны хэвлэлүүд Киевээс өгч буй мэдээллүүдийг үнэн эсэхийг нь нягтлалгүйгээр шууд мэдээлдэг гэж сэтгүүлч Майкл Трейси бичжээ. Тэрбээр бичихдээ, Украины эрх баригчид Буча хотод болсон үйл явдлын талаарх суртал ухуулгын материалын тусламжтайгаар АНУ болон НАТО-гийн эвслийг байлдааныхаа ажиллагаанд татан оролцуулахыг хүсэж байна гэсэн байна.

Майкл Трейси: "Америкийн сэтгүүлчид сэтгүүл зүйн бүх стандартуудыг ор тас мартсан".

Барууны хэвлэлүүд тун ч “баяр хөөртэйгөөр” Украины Засгийн газрынхны ирүүлж буй гэрэл зураг, бичлэгүүдийг ямар ч шүүлтүүргүй хүлээн авч, баримт болгон ашиглаж байна. Тиймээс, Украины дайнд АНУ хөндлөнгөөс оролцох “лобби” нь улам бүр идэвхжинэ хэмээн нэмж тайлбарлав.

ОХУ-ын Гадаад Хэргийн Яамны төлөөлөгч Мария Захарова өмнө нь Украины  радикалуудын Буча хот дахь гэмт хэргийн зорилго нь энхийн хэлэлцээг тасалдуулах явдал гэж мэдэгдсэн. Барууны хэд хэдэн хэвлэл мэдээллийн хэрэгслээр өмнө нь нийтлэгдсэн Буча хотын гэрэл зураг, дүрс бичлэгүүд бол  “Киевийн дэглэм”-ийн бүтээл гэсэн. Буча хотод Украины зэвсэгт хүчин болон радикал үзэлтнүүдийн өдөөн хатгалгатай холбогдуулан НҮБ-ын Аюулгүйн зөвлөлийг хуралдуулах хүсэлтийг ОХУ гаргасан гэж тэмдэглэжээ.

Эх сурвалж: The News Glory

Энэ мэдээнд өгөх таны үнэлгээ

Хуваалцаарай Жиргээрэй