Загвар өмсөгч, жүжигчин Жон Чэюүл 26 насандаа таалал төгссөн талаар Кореабүү мэдээллээ. Олон нийт түүнийг "Зомби мөрдөгч" киноны туслах дүрээр нь мэдэх юм.
Түүнийг өнөөдөр өглөө гэртээ нас барсан байдалтай байхад нь олсон талаар Стар Ньюс мэдээлсэн байна. Цагдаагийн байгууллага хэвлэл мэдээллийн хэрэгсэлд илүү дэлгэрэнгүй мэдээлэл өгөөгүй ажээ.
Тэрбээр зураг авалт нь эхэлсэн "Wedding Impossible" кинонд дүр бүтээх төлөвлөгөөтэй байсан юм. Энэ талаараа хоёр хоногийн өмнө инстаграм хаягтаа нийтэлсэн билээ. Түүнийг нас барсан талаарх мэдээлэл кино багийнхан болон жүжигчдийг цочролд оруулжээ.
Мөн түүний инстаграм хаяг устсан байна. Одоогоор түүний харьяалагддаг энтертайнтент агентлаг болох "Esteem Entertainment" мэдэгдэл хийсэнгүй.
Харин "Wedding Impossible" киноны продюсерийн зүгээс дөрөвдүгээр сарын 12 хүртэл кино зураг авалтаа цуцалсан байна. Одоогоор тус хэргийг цагдаагийн байгууллага мөрдөж байгаа ажээ.
Н.АННА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.