НХААГ-ын хэлтсийн дарга Б.Түмэнжаргал, НХААГ-ын Худалдан авах ажиллагааны хэлтсийн мэргэжилтэн Ш.Баярсүх, “Тэнүүн Огоо” ХХК гүйцэтгэх захирал Ж.Эрдэнэбат, “Тэнүүн Огоо” ХХК захирал А.Ганхуяг нар ням гарагийн шөнө саатуулагдаад буй.
Тэдний гэрийг 19.00 цагаас хойш нэгжиж шөнийн 00.40 цагт саатуулсан байдаг. Нийгэмд ногоон автобусны гэх хэрэг дээр АТГ, ЭЦА-ныхан хамтарсан баг гаргаж мөрдөж байгаа юм.
АТГ, ЭЦА-ныхан өнгөрсөн бүх хугацааны дансны гүйлгээг нь өнгөрөгч амралтын өдрүүдээр шалгажээ. АТГ-ынхан “дансны аргаар мөр олно” гэдгээ ч амлаж. Мягмар гараг гэхэд тодорхой чиг гарна гэж үзэж буй аж.
Улмаар лхагва гарагт Засгийн газрын ээлжит хуралдаанаар оруулж танилцуулахаар тогтсон чигтэй байна.
Түүнээс өмнө Ерөнхий сайд холбогдох хүмүүст хатуу хариуцлага тооцно гэсний дагуу Хотын дарга Д.Сумъяабазар, Хот хариуцсан сайд Ж.Сүхбаатар нар ажлаа өгчихлөө. Одоо НХААГ руу хэр цөмөрч орж чадах вэ гэдэг нь анхаарал татсан асуудал болж үлдэж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.