Монгол залуус сүүлийн арав хоногт урлаг, спорт болоод боловсролын салбарт дэлхийн хэмжээний маш олон амжилтыг гаргалаа. Бид үүнээс дараах долоон амжилтыг онцлон хүргэж байна.
1. “Moon dance”, “Star dance” хамтлагууд дэлхийн аваргын гурав болон тавдугаар байрт шалгарлаа
Нэг жилийн өмнө ХБНГУ-ын Брауншвэйг хотод латин болон стандарт хамтлаг бүжгийн ДАШТ болж өндөрлөсөн билээ. Эргэн санабал, тус тэмцээнний Латин бүжгийн төрөлд манай улсаас эх орноо төлөөлөн "Moon Dance" болон "Star Dance" хамтлагууд оролцож хоёр болон дөрөвдүгээр байрт шалгарсан юм. Тодруулбал, "Moon dance" гурван шатны үзүүлбэрийн нийт дүнгээр 33.75 оноо авч энэ төрөлд дэлхийн аваргын 12 удаагийн аварга Германы багийн ард буюу дэд байрт жагсаж мөнгөн медалийн эзэд болсон.
Харин улсаа төлөөлөн анх удаа латин хамтлаг бүжгийн ДАШТ-д 2010 онд оролцож байсан "Star dance" хамтлаг дөрөвдүгээр байрт шалгарсан. Тэд гурван шатны үзүүлбэрийн нийт дүнгээр 32.85 оноо авсан юм.
Тэгвэл 2023 оны латин болон стандарт хамтлаг бүжгийн ДАШТ арванхоёрдугаар сарын 18-нд буюу өчигдөр Хонгконгд болж “Moon dance” хамтлаг гурав, “Star dance” хамтлаг тавдугаар байрт шалгарлаа.
2. Олон улсын мастер, их мастерын цолыг 14 настай О.Наранзул зэрэг хангалаа
Ой тогтоолтын ДАШТ-д 14 настай О.Наранзул Олон улсын мастер, Их мастерын болзлыг зэрэг хангав. Их мастер цолыг тухайн жилийн хамгийн өндөр оноотой таван тамирчинд олгодог бөгөөд тэдний нэгээр О.Наранзул нэрлэгдсэн юм. Энэ жил манай улсаас гурван их мастер төрлөө.
3. Э.Цэндбаатар 8 үеийн турш ялж, өөрийн рекордоо шинэчиллээ
Нью Йорк хотын хамгийн идэвхтэй "Boxing Insider" холбооны хоёр дахь жилийн баярын арга хэмжээ болох "Holiday Fight Night 2" эвент болж өндөрлөсөн. Э.Цэндбаатар уг тулаанд оролцож өрсөлдөгчөө найман үеийн турш ялснаар хувийн дээд амжилтаа шинэчлэв.
4. “NBA 3x3 Invitational Champion": Монголын эрэгтэй, эмэгтэй баг аваргаар тодорлоо
NBA-ийн зүгээс улирал дундуур "NBA Cup" тэмцээнийг зохион байгуулж "Лос Анжелес Лэйкерс" баг аваргаар тодорсон билээ. Тэгвэл энэхүү тэмцээнд зориулж "NBA 3x3 Invitational Champion" тэмцээнийг зохион байгуулсан юм.
Тодруулбал тус тэмцээнд оролцсон Монгол Улсын эмэгтэй, эрэгтэй багууд хосоороо аваргалж, цомын эзэд боллоо.
Эмэгтэй баг хэсгээсээ гурван хожилтойгоор гарч, аваргын төлөө Япон улсын багийг илүүрхэж 16:6-ийн харьцаатайгаар хожсон. Харин манай эрэгтэй баг хэсэгтээ хоёр хожил, нэг хожигдолтойгоор хэсгээсээ нэгээр гарч чадсан юм. Тэд аваргын төлөө легионер тоглогчоор хүчээ зузаатгасан талбайн эзэн орны туршлагатай, хүчирхэг багтай энэ тэнцүү өрсөлдөж 21:17 харьцаатай хожиж аваргаллаа.
5. PMGC 2023: “IHC Esports” баг дэлхийн аварга боллоо
"PUBG Mobile"-ын дэлхийн аварга шалгаруулах тэмцээн болох "PUBG Mobile Global Championship 2023" Туркийн Истанбул хотод болж өндөрлөлөө. Дэлхийн шилдэг 16 баг өрсөлдсөн "Grand Final" шат гурван өдрийн турш үргэлжилж, финалд Монголын гурван ч баг тоглож, "IHC Esports" баг түрүүлж дэлхийн аварга болов.
Багууд гурван өдрийн турш нийт 18 "map" тоглосон бөгөөд "IHC Esports" 142 оноотой аваргалж, мөн Монголын "Stalwart Esports" баг 138 оноогоор дэд байр, "4Merical Vibes" баг 127 оноотой дөрөвдүгээр байрыг эзлэв.
Харин финалын "MVP"-ээр "IHC Esports" багийн Zyol буюу Б.Золбоот шалгарлаа.
6. Олон улсын цасан сийлбэрийн тэмцээнээс монгол уран бүтээлчид алтан цом хүртэв
Якутын олон улсын цас мөсөн сийлбэрийн тэмцээнд Монгол Улсын сийлбэрчид амжилттай оролцлоо.
Тодруулбал, цасан сийлбэрийн төрөлд уран сийлбэрч СТА Ө.Алтанбагана, Д. Энхжаргал нар тэргүүн байр эзэлж Якутын алмазан шигтгээтэй алтан цомын эзэд болов.
7. Д.Батгэрэл "KARATE COMBAT" холбоонд дэбют тулаандаа ялалт байгууллаа
"Karate combat" холбооны "KC 43" эвентийг Лас Вегасд зохион байгуулсан билээ. Манай улсаас "UFC" холбоонд тулалддаг байсан цор ганц тулаанч талын шуурга хочит Данаагийн Батгэрэл боксын өлгий Куба Улсын тамирчин "Spiderman" буюу Фредди Масабог гуравдугаар үед хүнд цохилтоор унагаж ялалт байгуулав.
Фредди Масабо АНУ-д 1889 оноос хойш үйл ажиллагаа явуулж буй "Bare Knuckle Fighting Championship" холбоонд дөрөв тулалдаж гурав ялсан бөгөөд мэргэжлийн холимог тулаанд тав ялсан тулаанч юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Mongoliin maani zaluus iim mundag haluun bayar hurgyee.uluu ih amjilt husen erooe.????????????❤️❤️❤️
Бахархаж бна. Энэ мэдээг маш сайн орчуулаад, сайн шаре хийж олонд түгээх юмсан.
Монголчууд уул нь зовхи нь өөдөө ард түмэн шүү дээ. Баяр хүргэе ээ.
Тамирчиддаа энхийг хүсье.
Гараар татах хүчны холбооны з�##�уу дэлхийн аваргууд болоод, багийн дүнгээрээ аварга болоод ирсэн байна лээ шүү !!!
М�##�айзад болсон соробан сампингийн
ур�##�даанд өндөр амжилт гаргаж, 2 аварга,
76 цомтой ирсэн Г.Даваацэнд багшид
т�##�арх�##� дэвшүүлье.Энэ бол бас
Монголчуудын оюуны гайхамшиг шүү.