Монгол Улсын их сургууль оюутнуудыг номын сандаа цагаар ажиллуулж, хичээлийн бус цагаараа бие даалтаа хийнгээ цалин авах боломж бүрдсэн байна.
Тодруулбал, оюутнууд номын сангийн үйлчилгээний ачаалал өндөр байдаг 11.00-17.00 цагт ажиллаж, уншигчдад хэрэгтэй номоо олоход туслах, шүүх, онлайн номын сан ашиглах талаар заавар, зөвлөгөө өгөх, зохиогчийн эрхийн зөвшөөрөл авсан цаасан бүтээлийг цахим хэлбэрт шилжүүлэх зэрэг ажил хийнэ.
Түүнчлэн сан хөмрөгийн эмх цэгц, хадгалалт, хамгаалалтын хэвийн нөхцөлийг хангахад анхаарах, ном сэлбэн засахад туслах бөгөөд одоогоор хоёр оюутан уг ажилд оржээ.
Цаашид цагаар ажиллах оюутны тоог нэмэгдүүлэх аж.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ёстой зөв байна даа үндэсний номын сан ч гэсэн оюутнуудыг цагаар ажиллуулах л хэрэгтэй дээ