ОХУ нийлүүлэлтээ огцом багасгасны дараа Европт байгалийн хийн үнэ хурдацтайгаар өссөөр түүхэн дээд дээд үзүүлэлтдээ ойртож ирээд байна. 1000 кубметр хийн үнэ 2500 ам.доллар хүрээд буй нь өнгөрсөн гуравдугаар сарын 7-нд тогтсон дээд амжилтаас 400 ам.доллараар л дутуу байгаа юм.
ОХУ энэ сарын 25-ны өдөр “Засвар хийнэ” гэж зарласан шахуургаа өчигдөр зогсоосон явдал үнийн өсөлтөд нөлөөлжээ. Нэг турбин зогссоноор нийлүүлэлт 20 хувиар буурч буй. Европын холбооны гишүүн орнууд ч зүгээр суугаагүй, шахуурга зогсохоос өмнө буюу 26-нд нь байгалийн хийн хэрэглээгээ сайн дураараа 15 хувиар бууруулах тохиролцоонд хүрсэн билээ. ОХУ цаашдаа нийлүүлэлтээ нэмэхгүй бол энэхүү сайн дурын хэмнэлт нь зайлшгүй болж албажих учиртай.
Европын холбоо ОХУ-ын үйлдлийг “Өвлөөс өмнө Европын улсуудын байгалийн хийн нөөцийг дундлах гэсэн санаатай ажил” гэж үзэж байгаа талаар бид өмнө нь мэдээлсэн билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.