Олон улсын зарим хэвлэл мэдээллийн хэрэгслээр өнөө өглөө “Алибаба” онлайн худалдааны платформыг үндэслэгч Жек Ма Японд дүрвэж гарсан, Токиод нууц байдалд амьдарч байна” гэсэн мэдээлэл цацагдаж, олон нийтийн анхаарлыг татсан билээ. Хятадын хамгийн баян хүн байсан тэрбээр хоёр жилийн өмнө Шанхайд болсон хуралд үг хэлснээсээ хойш олон нийтийн өмнө цөөхөн гарах болсон, ерөнхийдөө “Эрх баригчдадаа таалагдахаа больсон” гэсэн имижтэй болоод байсан тул энэ мэдээлэлд олон хүн итгэсэн юм.
Тэгвэл мэдээлэл худлаа бөгөөд Жек Ма Япон руу зугтаж гараагүй, зүгээр амьдарч байгаа аж. “Жек Ма эх орноосоо зугтсан зүйл үгүй, Токиод хагас жил амьдарч байгаа. БНХАУ-д цар тахлын тархалт өндөр, хязгаарлалт чанга байгаа учраас чинээлэг хүмүүс нь ер нь л хилийн чанад амьдарч байна” гэсэн залруулгын чанартай мэдээг “Блүүмберг” цахим хуудастаа оруулжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.