Өнөөдөр өглөө Хан-Уул дүүргийн гуравдугаар хороо буюу Яармагийн шинэ гүүрэн дээр зам тээврийн ноцтой осол гарч нэг иргэн амь насаа алдсан байна. Тодруулбал, Онцгой байдлын ерөнхий газар өглөөний 07:45 цагт зам тээврийн ослын үеэр хүн хавчуулагдсан гэх дуудлага бүртгэгдсэн.
Аврах ангийн бүрэлдэхүүнийг очиход "Toyota Prius" маркийн хоёр автомашин мөргөлдөж, нэг иргэн хавчуулагдаж, нэг иргэн нас барсан байсныг гаргаж эмнэлгийн болон цагдаагийн байгууллагад хүлээлгэн өгсөн байна. Одоогоор ослын шалтгаан юунаас болж гарсан гэдгийг тогтоохоор цагдаагийн байгууллага ажиллаж эхэлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.