“Нэг өрх-нэг шинжилгээ”-ний явц, коронавирусийн халдварын нөхцөл байдлын талаар Засгийн газар, ЭМЯ-нээс мэдээлэл хийлээ.
ХӨСҮТ-ийн Тандалт судалгааны албаны дарга А.Амбасэлмаа “Өчигдөр буюу 2021 оны хоёрдугаар сарын 17-нд вирус судлалын лабораториудад нийт 40217 хүнд шинжилгээ хийхэд 49 хүнээс коронавирус илэрлээ.
Ажиглан тусгаарласан, ойрын хавьтлуудын анхны болон давтан шинжилгээнээс ихэнх нь гарлаа. “Нэг өрх-нэг шинжилгээ”-нээс 10 хүнээс коронавирус илэрлээ. Ийнхүү “Нэг өрх-нэг шинжилгээ”-гээр нийт 37 хүнээс коронавирус илэрлээ.
ХӨСҮТ-д эмчлүүлж байсан бие нь нэн хүнд байсан иргэн өчигдөр буюу энэ сарын 17-нд нас барлаа. Энэ хүн хоёрдугаар сарын 14-нд онош батлагдаж, маш хүнд ирж хэвтсэн. Хавдартай, хавдрын хордлого, уураг дутагдал, тураал, олон эрхтний дутмагшлын оноштой нас барсан. Корронавирусийн халдвар нь хүндэвтэр явцтай байсан” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.