Нийгмийн
Сүү бэлтгэн нийлүүлэгчдэд 3 тэрбум төгрөгийн урамшуулал олгожээ
Монгол Улсын Засгийн газрын 130 дугаар тогтоолоор батлагдсан “Сүү боловсруулах үйлдвэр, цехэд техникийн зохицуулалтын шаардлагад нийцсэн малын түүхий сүү бэлтгэн нийлүүлсэн малчин, эрчимжсэн мал аж ахуй эрхлэгчдэд мөнгөн урамшуулал олгох журам”-ын дагуу өнгөрсөн оны арваннэгдүгээр сараас эхлэн өнөөдрийн байдлаар нийт 7792 малчин, эрчимжсэн мал аж ахуй эрхлэгчдэд 3 гаруй тэрбум төгрөгийн сүүний урамшуулал олгожээ.
ДАРААХ ҮЙЛДВЭРТ СҮҮГЭЭ НИЙЛҮҮЛСЭН МАЛЧИД УРАМШУУЛАЛД ХАМРАГДАНА
- Сүү ХК
- Витафит милк ХХК
- Монфрэш сүү ХХК
- Үлэмж органик ХХК
- Апу-Дэйри ХХК
- Милко ХХК
- Мон сүү ХХК
- Баяжуулагч одод ХХК
Сүү бэлтгэн нийлүүлэгчдэд тавигдах шаардлага
- Үндэсний статистикийн хорооны 2019 оны мал тооллогын дүнгээр баталгаажсан байх.
- Мал эмнэлгийн нэгдсэн сан, татварын цахим системд бүртгэлтэй байх.
- MNS 4228:2011 стандартад нийцсэн сүү бэлтгэх.
- Сүүний үйлдвэртэй нэг жилийн турш бүтээгдэхүүнээ нийлүүлэх гэрээ хийсэн байх.
- Нийлүүлсэн түүхий сүүний төлбөрийн баримтыг цаг тухайд нь татварын цахим цахим системд баталгаажуулах.
Үйлдвэрт тавигдах шаардлага
- Үйл ажиллагааны дүгнэлттэй байх
- Хяналтын хуудсаар дүгнэгдсэн байх
- Шаардлагад нийцсэн барилга байгууламж, тоног төхөөрөмж, багаж хэрэгсэл, агуулах, тээврийн хэрэгсэлтэй байх.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.