Улаанбаатар хотоос 150 км зайд малчин Б.Батбаатар археологийн олдвор олсон байна.
Түүнтэй холбогдоход “Малдаа явж байтал борооны усанд идэгдсэн шар чулуу шиг юм харагдахаар нь очоод үзтэл гавлын яс байсан. Орсон борооны усанд тал хэсэг нь угаагдаад цухуйсан байсан. Холбогдох газруудад нь хэлсэн. Энэ гавал ойролцоогоор 80 см урттай” хэмээж байлаа.
Харин энэ талаар Шинжлэх ухааны академийн Археологийн хүрээлэнгийн захирал доктор, дэд профессор Г.Эрэгзэнгээс тодруулахад:
“Манай судлаачтай өчигдөр холбогдсон байсан. Дээд палеонтологийн үеийн Савагт Хирс амьтны толгойн ясны олдвор байсан. Олдворыг одоогоор очиж аваагүй байна. Энэ олдвор 30-40 мянган жилийн өмнө үеийнх юм” гэлээ.
Э.ҮҮРИЙНЦОЛМОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
30аас 40сая жил гээч