Бага түргэний хүрхрээнээс 35 настай иргэн унаж, осолджээ
Баян-Өлгий аймгийн Цэнгэл сумын Бор бургас багийн Бага түргэний хүрхрээ гэдэг газар 12 хүн Бага түргэний хүрхрээнд зугаалж байснаас 1 хүн хүрхрээн дээрээс /22 метрийн өндөр/ хальтарч ус руу унаж, осолдсон тухай дуудлагыг энэ сарын 12-ны өдрийн 16:15 цагт аймгийн Онцгой байдлын газар хүлээн авчээ.
Тус аймгийн Онцгой байдлын газрын Эрэн хайх, аврах бүлэг, Цэнгэл сум дахь Гал түймэр унтраах, аврах 71 дүгээр анги, тус сумын Цагдаагийн хэсгийн алба хаагчид Орхон аймгийн харьяат иргэн Д /35 настай, эрэгтэй/-г эрэн хайх ажиллагааг зохион байгууллаа.
Долдугаар сарын 14-ний өдрийн байдлаар тус сумын Бор бургас багийн Бага Түргэний хүрхрээ гэдэг газарт 5 км-т эрэн хайх ажиллагааг зохион байгуулж, хүрхрээний 5 метрийн гүн усанд 10 удаагийн шумбалт хийн, хүрхрээний эрэг дагуу 15 км-т явганаар явж эрэн хайх ажиллагаа зохион байгуулсан боловч үр дүнд хүрээгүй тул мөн өдрийн 21:00 цагт түр зогсоосон.
Харин энэ сарын 15-ны өдрийн 00:00 цагт эрэн хайх ажиллагааг эхлүүлсэн. Ховд аймгийн Онцгой байдлын газрын 3 алба хаагч, 1 автомашинтай хүч нэмэгдүүлэн ажиллахаар 19:57 цагт хүрэлцэн очиж хоножээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Түргэн гэж голын нэр. Томоор бичдэггүй ?