НИЙГЭМ

Цар тахалд хэрхэн дасан зохицож амьдрах талаар онол, практикийн бага хурал болно

Дэлхийн улс орнууд коронавируст халдвар (Ковид-19)-аас урьдчилан сэргийлэх, эрсдэлийг бууруулах, тэмцэх чиглэлээр олон арга хэмжээг авч хэрэгжүүлснээр КОВИД-19-ийн нөлөөллийн оргил үеийг давж, тархалтын түвшин харьцангүй буурах хандлагатай байна.

Манай улсын хувьд ч “Ковидын үеийн шинэ хэв маяг /new normal/”-т бэлтгэх харилцааны стратеги боловсруулах шаардлага урган гарч байна. 

Түүнчлэн коронавируст халдвар (Ковид-19)-т цар тахалтай хэрхэн дасан зохицож, хэвийн амьдралаар амьдрах тухай аргазүй, аргачлалыг салбарууд шинжлэх ухааны үндэстэй гаргаж тодорхойлох нь тулгамдсан асуудлын нэг болоод байгаа юм.

Иймд олон улсын “Хүмүүнлэгийн өдөр”-ийг тохиолдуулан Онцгой байдлын ерөнхий газрын дэргэдэх Гамшиг судлалын хүрээлэн, Монголын улаан загалмай нийгэмлэг хамтран “Коронавируст халдвар (Ковид-19)-т цар тахлын үеийн шинэ хэв маягт дасан зохицох нь” сэдвээр онол, практикийн бага хурлыг 2021 оны 09 дүгээр сарын 30-ны өдөр зохион байгуулахаар төлөвлөж байна.

Онол практикийн бага хурал хоёр жил тутамд зохион байгуулагддаг юм гэж Онцгой байдлын ерөнхий газраас мэдээллээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x