Энэ сарын 25-26-нд шилжих шөнө 24:49 цагт Багануур дүүргийн дөрөвдүгээр хороо Бүрэг эрэг гэдэг газар Хэрлэн голд автомашинтай иргэд урссан гэсэн дуудлага иржээ.
Дуудлагын дагуу тус дүүргийн Онцгой байдлын хэлтсийн дарга, хошууч Батжаргалаар ахлуулсан зургаан алба хаагч хаягийн дагуу очиход Улаанбаатар хотын харьяат хоёр иргэн Хэрлэн голын салаанд автомашинтай урсаж, живэх аюулд өртсөн байжээ.
Аврагчид цаг алдалгүй шуурхай ажиллаж, аврах завь ашиглан иргэдийн амь насыг авран хамгаалж ажилласан байна. Иймд бороо хуртай, гол мөрний усны түвшин үерийн аюултай түвшинд хүрсэн үед баталгаагүй зам, гарцаар дур мэдэн зорчиж, амь насаа эрсдэлд оруулахгүй байхыг анхааруулж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.