Нийгмийн

Хугацаат цэргийн алба хаагчдад тогоочийн мэргэжил эзэмшүүлнэ

Монгол Улсын Засгийн газраас 2021 онд гаргасан “Ажилгүйдэлтэй тэмцэх, залуучуудыг ажил мэргэжилтэй болгох төсөл”-ийн хүрээнд Зэвсэгт хүчний Жанжин штаб, Монголын ресторан, зоогийн газрын холбоотой хамтран Улаанбаатар цэргийн хүрээний нэгтгэл, ангиудын хугацаат цэргийн алба хаагчидтай Тогооч бэлтгэх сургалтыг Зэвсэгт хүчний 016 дугаар нэгтгэлийн байрлалд зохион байгуулж байна.

Сургалтад Зэвсэгт хүчний 016, 015, 120, 326, 014 дүгээр ангийн хугацаат цэргийн алба хаагчид өөрсдийн хүсэлтээр суралцаж буй юм. Энэхүү сургалтыг Монголын ресторан, зоогийн газрын холбооны дэд захирал С.Батбаатар удирдан зохион байгуулж байгаа бол “Гүн шим” рестораны захирал Ш.Эрдэнэхүү, ШУТИС-ийн технологич багш Н.Долгорсүрэн нар онолын хичээлийг, “Модерн номадс” рестораны ерөнхий тогооч Л.Алтаншагай, Б.Бархассүрэн, хүнсний үйлдвэрийн дарга Г.Соёлмаа нар дадлагын хичээлүүдийг нь тус тус удирдан зохион байгуулж байна.

Сургалтын төгсөлтийн ёслол энэ сарын 26-ны өдөр болох бөгөөд энэ үеэр хугацаат цэргийн алба хаагчид тогоочийн мэргэжлийн үнэмлэхээ гардан авахаас гадна өөрсдийн хийсэн гарын хоолоор үзэсгэлэн зохион байгуулахаар төлөвлөөд байна гэж хошууч Д.Долгоржав мэдээллээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button