“Токио-2020 паралимпын наадамд Э.Содломпилжээ пауэрлифтингийн төрөлд тэргүүлсэн юм. Тэрбээр 241 кг жинг түлхэж эхний үеэ амжилттай давсан бол хоёр дахь түлхэлтээ 245 кг жинг түлхсэнээр энэ удаагийн паралимпын наадамд тэргүүлж, алтан медаль хүртсэн юм. Өөрийн эзэмшдэг дэлхийн дээд амжилт буюу 247 кг түлхэлтээ эвдэхээр гурав дахь оролдлогодоо 248 кг жинг захиалаад байсан юм.
Өөрийн цахим хуудастаа “Энэхүү медалаа эх орон, төр засаг, ард түмэн, гэр бүл, найз нөхөд, багийн хамт олондоо зориулж байна. Ээж минь та энэ медалийг авах эрхтэй хүн билээ. Ээж минь та ямар их баярлаж байгаа болоо” хэмээжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.