Оюутолгойн хөрөнгө оруулалтын гэрээтэй холбоотой асуудлаар өчигдөр МАН-ын бүлэг хаалттай хуралдсан.
Бүлгээр юу ярилцсан талаар ЗГХЭГ-ийн дарга Ц.Нямдоржоос тодруулахад “Оюутолгойгоос Ерөнхий сайдын нэр дээр бичиг ирсэн. Судалж байна. Бүлгийн хурал дээр танилцуулга хийсэн. Нууц хуралдаан учраас та нарт хэлж чадахгүй ээ.
Эцэслэж, тохирч байж ярина. Хэлэлцээрийн өмнө яригдаж байгаа асуудлаар өнөөдөр, маргааш өөр өөр мэдээлэл өгөх боломжгүй. Хуулийн болон санхүүгийн зөвлөх үйлчилгээний компаниуд хөлсөлж, цаашид яриа хэлэлцээр хийх бодолтой байна.
34 хувийн өр одоо энэ хэлэлцээрийн түвшинд хөндөгдөж байна. Яаж шийдэх нь одоогоор тодорхойгүй. Надтай холбоотой ямар ч асуудал яригдаагүй. Оюутолгойн асуудлаар Зөвхөн Л.Оюун-Эрдэнэ сайд мэдээлэл өгдөг байсан. Одоо Х.Нямбаатар сайд ажиллаад явж байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.