Өнөө жил шөвгөрсөн 16, сайн дураараа шинжилгээ өгсөн хоёр, нийт 18 бөхийн допингийн шинжилгээний хариу гарчээ. Эдгээр бөхчүүдээс дөрвийнх нь А сорьцоос допинг илэрсэн байна.
МҮХБ энэ асуудлаар мэдээлэл хийх үеэр МҮБХ-ны тэргүүн, улсын заан Ц.Магалжав “Одоогоор 17 аймаг цол олгох барилдаанаа хийгээд байна. Ирэх арваннэгдүгээр сард багтаан 21 аймаг цол олгох барилдаан хийнэ гэсэн. Цар тахлын нөхцөл байдал, тухайн орон нутгийн онцлог шалтгаалдаг юм болов уу. Одоогоор хоёр аймагт хариуцлага тооцчихсон байгаа.
Сэлэнгэ аймаг цол олгох барилдаанаа арваннэгдүгээр сарын 12-нд хийхээр болсон. Өмнө нь буюу наймдугаар сард хийсэн барилдааныг Аймгийнх нь Онцгой комисс зөвшөөрөөгүй байсан тул хүчингүйд тооцсон байсан юм.
Хөвсгөл, Дорнод аймгийн барилдааны үеэр дүрэм, оноолт зөрчсөн. Тиймээс хариуцлага тооцсон” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.