АНУ-ын Колорадо мужийн Аврора хотын нэгэн сургуулийн ойролцоо буун дуу гарч, өсвөр насны таван хүүхэд шархаджээ. Энэ талаар орон нутгийн цагдаагийн газар өнөөдөр “Твиттер” хуудсандаа нийтэлжээ.
Буудсан сэжигтэн хэргийн газраас зугтсан гэх мэдээлэл байна. халдлагын үеэр хохирол амссан бүх хохирогчдыг эмнэлэгт хүргэсэн ба 14-17 насны таван хүүхэд байгааг хууль сахиулагчид онцлов.
Буудлага Аврора хотын төв ахлах сургуулийн ойролцоох цэцэрлэгт хүрээлэнд болсон аж. Одоогийн байдлаар боловсролын байгууллагын эргэн тойронд цагдаагийн алба хаагчид эргүүл хамгаалалт хийж байна.
Хэрэгтэн хэргийн газраас зугтсан ч цагдаагийн байгууллага шалгаж, хэрэгтнийг эрэн сурвалжилж эхэлсэн аж.
(Эх сурвалж: Tass)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.