“Lil Pump хандалт авсан бичлэгүүд хийдэг. Тэдгээрийн л нэг нь” гэсэн тайлбар өгсөн

Наймдугаар сарын 19-нд зохион байгуулагдсан тус хөгжмийн наадамд АНУ-ын алдарт дуучин, реппер Lil Pump хүрэлцэн ирж оролцсон бөгөөд түүнтэй холбоотой бичлэг олон нийтийн сүлжээнд тарж, шүүмжлэл дагуулаад байгаа билээ.

Үүнтэй холбоотойгоор XMF-Хуур хөгжмийн наадмыг зохион байгуулсан BRB компаниас мэдээлэл хийлээ.

-БИЧЛЭГТ ГАРСАН ЭМЭГТЭЙ МОНГОЛД БАЙХГҮЙ. МОНГОЛ ХҮН ЭСЭХ НЬ Ч ТОДОРХОЙГҮЙ. ГОМДОЛ ГАРГАВАЛ ЭМЭГТЭЙН ТАЛД ОРНО-

Энэ талаар BRB компанийн захирал Ж.Энхжаргалан хэлэхдээ “Lil Pump-ийн өөрийнх нь албан ёсных нь хаягнаас эмэгтэй хүний дүрс бүхий бичлэг цацагдсан. Тухайн бичлэгийг харсан маш олон хүн бидэнтэй холбогдож “ямар учиртай бичлэг вэ, тодруулж өгөөч” гэж хүссэн. Энэ дагуу бид холбогдож нэгдүгээрт албан ёсны тайлбар өгөөч, хоёрдугаарт бичлэгээ устга гэдэг хүсэлт тавьсан. Гэтэл бидэнд “тухайн бичлэг Монголд хийгдээгүй. Хоёрдугаарт, садар самуун, эмэгтэй хүнийг доромжилсон утгатай биш. Царай зүс, нэр ус заасан асуудал байхгүй. Lil Pump хандалт авсан иймэрхүү бичлэгүүд хийдэг. Тэдгээрийнх нэг нь” гэсэн тайлбарыг өгсөн.

Тэгсэн байлаа ч бидний зүгээс бичлэгийг устгуулах хүсэлтийг тавьсаар өчигдөр /2022.09.15/ орой 8 цагийн үед бичлэгийг устгуулсан.

Юу нь мэдэгдэхгүй бичлэгт тайлбар хийгээд сууж байгаадаа харамсаж байна. Тухайн мэдээллийг нягталж үзэхэд тухайн эмэгтэй монгол уу, Монголд уу гэдгийг нягталж үзсэн. Гэвч ямар ч ийм холбогдолтой мэдээлэл гарч ирээгүй.

Өнгөрсөн 24 цагийн турш цахим орчинд маш их таамаг хөвөрч, нэг эмэгтэй хүний нэр хүндэд халдаж, хандалт авх гэсэн ташаа мэдээллүүд цацагдсан. Улмаар хөгжмийн наадмыг зохион байгуулагчдын нэр хүндэд халдаж байна. Тодорхойгүй мэдээллээр хандалт авах гэж эмэгтэй хүний нэр хүндэд халдаж болохгүй.

Бичлэгт гарсэн эмэгтэй Монголд байхгүй. Монголын иргэн эсэх нь ч тодорхойгүй. Хэрэв мөн болоод хуулийн байгууллагад гомдол гаргавал бид эмэгтэйн талд орж, хамтран ажиллана” хэмээлээ.

Энэ мэдээнд өгөх таны үнэлгээ

Хуваалцаарай Жиргээрэй