УЛС ТӨР

Ирэх онд авто зам ашигласны төлбөр 100 мянган төгрөг болж ОГЦОМ нэмэгдэнэ

Нийслэлийн ирэх оны төсвийг НИТХ-аар хэлэлцсэнтэй холбоотойгоор авто зам ашигласны төлбөрийг нэмэгдүүлэх асуудал яригдсан. Тодруулбал, авто зам ашигласны хураамж болгон жолооч бүр жилдээ 20 мянган төгрөг төлдөг байсан бол ТАВ дахин нэмэгдүүлж 100 мянган төгрөг болгох санал оруулж иржээ.

Иргэдээс авдаг 20 мянган төгрөгийн татвар нь замын засвар, арчилгаанд зарцуулахад хүрдэггүй учраас авто зам ашигласны хураамжийг нэмэгдүүлэхээр тогтоолын төсөл боловсруулж, уг асуудлыг НИТХ-аар хэлэлцэхээр болоод байгаа аж. Авто зам ашигласны төлбөрийг тав дахин нэмснээр уг төлбөрөөс 14 тэрбум төгрөг цугладаг байсан бол  ирэх онд 74 тэрбумыг төвлөрүүлэх боломжтой гэж үзэж буй юм байна.

Тодруулбал, такси 150 мянга, суудлын автомашин 100-300 мянга, ачааны машин 200-350 мянга, 15 хүртэл хүний суудалтай автобус 200 мянга, 15-аас дээш хүний суудалтай автобус 300 мянга болжээ.

Автозам ашигласны төлбөрийг нэмснээр түгжрээ багасна хэмээн тооцоолж буйгаа албаныхан мэдэгдсэн.

Энэ талаар Нийслэлийн Засаг даргын нэгдүгээр орлогч Ж.Батбаясгалан хэлэхдээ “2020 оны төсөвт нийслэлээс 1 их наяд төгрөгийн орлого олох үүрэг өгсөн. Үнэхээр хүнд төсөв ирж байгаа. Иймд зарим татвар, хураамжийг нэмэхээс өөр аргагүйд хүрсэн. Нөгөө талаараа иргэд замд түгжрээд зогсож байхдаа үүнээс их мөнгийг зарцуулдаг. Нэгдүгээрт, эрүүл мэндээрээ, хоёрдугаарт, эдийн засгаараа хохирч байна. Ингэж түгжирч байхаар нийтийн тээврийн паркаа шинэчлээд, нийтийн тээврээрээ зорчдог болох хэрэгтэй” гэж тайлбарлажээ.

Таг

Холбоотой мэдээ

10 Сэтгэгдэл

  1. Tatvar nemlee geed uurchlugddug bol bolj l bna daanch saijrahgui heden luivarchid l ulam mungutei bolood hariutslag bhgui bid l hohirood ulddeg togtoltsootoi do

  2. -tord baigaa aih ayulgvi idej baigaa hvmvvs ideed ard bid tolool baij baih uu jidvv h
    niigmiin daatgal ervvl mendiin daatgal hodolmor hamgaalaliin san tarialan demjih san ofshor gaali 60 ter bum geh met darga n
    setertei hvnvvs idej uugaad toglood bid harin tolool baih uuuuuuuuuu

  3. Энэ татвар огцом нэмэгдлээ гээд түгжрэл ч буурахгүй, зам ч нэг их сайжрахгүй, дарга нарын тансаглал, сонгуулийн зардалд л ихэнх нь явна.

  4. энэ эрх баригчдад зүгээр энгийн логик ойлголт гэж байна уу, цалин тэтгэвэр гэсэн орлогын эх үүсвэрийг нэмээгүй мөртөө авах татвараа элдэв аргаар нэмж байгаа нь дэндүү ард олноо дорд үзсэн, хамгийн тэнэг хүн ч шийдэх хувилбарыг л сонгоод байгаан биш үү . НД-ийг хувааж идчээд нөхөхийг нь бид хийнэ, замын мөнгийг идсэн бид татвараар 5 дахин нэмж бүрдүүлнэ. Энэ шударга гэж үү. Эрх баригчид дутуу гуцуугийн зовлон мэдэхгүй авилга буруу аргаар олсон мөнгөндөө хөлбөрч байдаг тул ядарсан лоны амьдрал тэдэнд хүртээл алга, бид үнэхээр азгүй улс юм даа

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close