Нийгэм мэдээ

Баяр наадмын үеэр нийт нутгаар цаг агаар ямар байх вэ

Наадмын өдрүүдэд буюу долдугаар сарын 8-17-ныг хүртэлх цаг агаарын мэдээллийг хүргэж байна.

Долдугаар сарын 11-нд төв, говь, зүүн аймгуудын нутгаар агаарын температур хална.

Долдугаар сарын 11-нд баруун аймгуудын нутгаар, 12-нд нутгийн төв хэсгээр, 13-нд зүүн аймгуудын нутгаар бороо орж, сэрүүснэ.

Бороо:

  • Долдугаар сарын 8, 9-нд Алтай, Хангай, Хөвсгөл, Хэнтийн уулархаг нутаг, Хэрлэн, Онон, Улз, Халх голын сав газраар
  • Долдугаар сарын 10-нд нутгийн зарим газраар, 11-нд баруун аймгуудын хойд хэсэг, төвийн аймгуудын ихэнх нутаг, говь болон зүүн аймгуудын зарим газраар
  • Долдугаар сарын 12-нд баруун аймгуудын зүүн хэсэг, төв аймгуудын ихэнх нутаг, говь болон зүүн аймгуудын зарим газраар
  • Долдугаар сарын 13-нд төвийн аймгуудын зүүн хэсэг, зүүн аймгуудын ихэнх нутгаар
  • Долдугаар сарын 14-нд зүүн аймгуудын нутгаар, 15, 16-нд Халх голын сав газраар дуу цахилгаантай аадар бороо, бороо орно.

Хугацааны эхээр ихэнх нутгаар халж, Хангай, Хөвсгөл, Хэнтийн уулархаг нутаг, Хүрэнбэлчир, Завхан голын эхээр шөнөдөө +6...+11 градус, өдөртөө +21... +26 градус байх бол Их нууруудын хотгор, Орхон, Сэлэнгийн сав газар, говийн бүс нутгийн өмнөд хэсгээр шөнөдөө +19... +24 градус, өдөртөө +33..+38 градус дулаан байна.

Бусад нутгаар шөнөдөө +17... +22, өдөртөө +26... +31 градус дулаан байх төлөвтэй.

Долдугаар сарын 11-нд баруун аймгуудын хойд хэсгээр, 12-нд төвийн нутгийн хойд хэсгээр, 13-нд зүүн аймгуудын нутгаар өдөртөө бага зэрэг сэрүүснэ.

Улаанбаатар хотод долдугаар сарын 10, 11-нд дуу цахилгаантай аадар бороо орно. 12-нд бороо, 13-нд бага зэргийн бороо орж, борооны өмнө салхи ширүүснэ. Долдугаар сарын 8, 9, 10, 11-ний өдөр халж, шөнөдөө +18... +23, өдөртөө +25... +30 градус байх бол 12, 13-нд сэрүүсэж шөнөдөө +9...+14, өдөртөө +20...+25 градус байх төлөвтэй.

Малчид, тээвэрчид, аялагчид, иргэдэд анхааруулахад баяр наадмын өдрүүд буюу долдугаар сарын 11-нд баруун аймгууд, 12-нд нутгийн төв хэсгээр, 13-нд зүүн аймгуудын нутгаар бороо, дуу цахилгаантай аадар бороо орох магадлал өндөр байна.

Б.НОМТ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Сэлэнгэ
Сэлэнгэ
2024-07-09 08:09

10 11 бороо орох юм уу х�##�ах гээд байгаа юм уу ер ойлгосонгүй

Холбоотой мэдээ

Back to top button