Цахим спортын "CS2" төрлийн томоохон тэмцээнүүдийн нэг болох "ESL Pro League"-ийн 20 дахь улирал Мальта улсад эхэлсэн. Нийт 750 мянган ам.долларын шагналын сантай тус тэмцээнд тив, бүс нутаг бүрийн шилдэг 32 баг өрсөлдсөнөөс хэсгийн шатны тоглолтууд өндөрлөж, хасагдах шатанд 16 баг шалгарав.
Ази тивээ төлөөлөн Монголын "The MongolZ", "ATOX Esports" болон Хятадын "Lynn Vision" багууд оролцсон. Улмаар "The MongolZ" баг ганцаараа хэсгийн шатаа давж, тивээ төлөөлөн үлдлээ.
Өнөөдөр "The MongolZ" 19:00 цагаас Германы "BIG" багийн эсрэг тоглолтыг хийнэ. Азийн тэргүүн багийн хувьд хамгийн сүүлд Францын "3DMAX", Аргентины "9z" багуудыг буулган авчээ. Харин "BIG" баг Австралийн "Rooster", Их Британийн "Fnatic", АНУ-ын "Complexity" багуудыг буулган авчээ. Хоёр багийн хувьд анх удаагаа учраа таарч байгаа нь энэ.
Дээрх хоёр багийн хожсон нь дараагийн шатанд Туркийн "Eternal Fire" багтай хүч үзнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.