"BlackPink" хамтлагийн дуучин Ружэ Бруно Марстай хамтарсан уран бүтээл "APT" Британийн чартын шилдэг 100 дууны жагсаалтын хоёрдугаарт бичигдсэн байна. Ингэснээр К-поп эмэгтэй уран бүтээлч Британийн чартад шинэ дээд амжилт тогтоожээ.
Тухайн дууны хувьд аравдугаар сарын 18-нд олны хүртээл болсон бөгөөд Ружэгийн анхны бие даасан бүрэн хэмжээний цомог "rosie"-д багтсан. "rosie" цомог арванхоёрдугаар сарын 6-нд худалдаанд гарах төлөвтэй буй.
Харин АНУ-ын "Billboard Hot 100" жагсаалтад "APT" наймдугаар байранд оржээ. Тус дууны клип ердөө 11 хоногийн дотор 200 сая гаруй хандалт цуглуулж, эмэгтэй К-поп дуучны хамгийн хурдан амжилт гаргасан видео болжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.