С.Шаарийбуу Малайзын Засгийн газарт хүсэлт тавьжээ

Одоогоос 19 Жилийн Өмнө Малайз Улсад Монгол Охин Харамсалтайгаар Амь Насаа Алдсан Хэрэг Гарсан. Улмаар Хэргийн Үнэн Мөнийг Олохын Төлөө Тууштай Тэмцэж Явсан Талийгаачийн Аав С.Шаарийбуу Эцэст Нь Зарим Гэмт Этгээдүүдэд Ял Сонсгож Чадсан.

Гэхдээ аллагыг захиалсан Малайзын өндөр албан тушаалтнууд шийтгэгдээгүй. Мөн хэргийг гардан үйлдсэн цаазын ялтай хоёр цагдаагийн нэг нь Австрали руу оргон гарч, нөгөөх нь Малайзын шоронд хоригдож буй. 

Харин саяхан олон улсын хэвлэлд "монгол эмэгтэйг хөнөөсөн Малайз цагдаа цаазын ялаас мултарлаа" гэх нийтлэл гарсан. Мэдээллийг ЭНД дарж харна уу. Түүнчлэн талийгаачийн аав С.Шаарийбуу эл хэрэгт холбоотойгоор Монгол Улсын Ерөнхий сайдад захидал илгээгээд байгаа. Захидлыг бүрэн эхээр нь ЭНД дарж уншина уу. Уг захидалд хэргийг зориудаар дарахаар Малайзын өндөр албан тушаалтнуудтай сүлбэлдсэн байж болзошгүй Монгол Улсын төрийн байгууллагын томоохон алба хаагчдын тухай дурдагдсан юм. 

Тэгвэл Амиа алдсан Монгол Улсын иргэн Шаарийбуугийн Алтантуяагийн ар гэрийнхэн 2006 онд түүний амь насыг хохироосон “төрийн өндөр албан тушаалтнуудад” арга хэмжээ авахыг тус улсын Засгийн газраас хүссэн талаар The edge Malaysia мэдээллээ. 

Энэ талаар С.Шаарийбуугийн өмгөөлөгч Сангеет Каур Део хийсэн мэдэгдэлдээ “Малайзын засгийн газар хариу өгөхдөө удах тусам улсын нэр хүнд гутаана. Малайзын нөлөө бүхий хүмүүс төрийн байгууллагуудыг хувийн зорилгоор ашиглаж, олон нийтийн итгэлийг алдагдуулж, улс орны олон улсын нэр хүндэд сэв суулгаж байна. Засгийн газар ийм хэмжээний байдлыг нуун далдлахад "хамтарч" байж болохгүй. Үнэнийг үл тоомсорлох, санаатайгаар дарах гэсэн аливаа ойлголт нь засаг захиргааны итгэл үнэмшил, ард түмэн, олон улсын хамтын нийгэмлэгийн өмнө улс орны нэр хүндэд ноцтой хохирол учруулна" гэжээ. 

Мөн Алтантуяагийн ар гэрийнхэн Малайзын Засгийн газарт хандан:

• Азилахын мэдүүлэгт тусгагдсан хэргүүдийг, тэр дундаа нэр дурдагдсан хүмүүсийг нарийвчлан мөрдөн шалгах ажиллагааг эхлүүлэх;

• Амалсан ёсоор хууль дээдлэх, шүүхийн тогтолцооны шударга байдлыг дээдлэн, сайн засаглалын зарчимд нийцүүлэн яаралтай ажиллах;

• Цагдаагийн ахмад асан Сирул Азхар Умарыг Австралиас шилжүүлэн өгөхийн тулд түүний үйлдлийн хууль ёсны үр дагаварт хүргэхийн тулд ямар хүчин чармайлт гаргаж байгааг тодруулна уу.

• Алтантуяагийн дуулиан энэ улсыг удаан хугацаанд зовоож байгаа бөгөөд энэ дуулианыг зохих ёсоор шалгахаас татгалзсаар байгаа нь Маданийн засгийн газар ил тод, хариуцлагатай байх амлалтад ноцтой түгшүүр төрүүлж байна гэжээ. 

Өөрийн сэтгэгдлээ илэрхийл

Share Tweet