Улсын дуурь, бүжгийн эрдмийн театрын уран бүтээлчид Ж.Вердийн “Травиата” дуурийг үзэгчдэдээ зориулан энэ амралтын өдрүүдэд тоглож байна.
Гурван бүлэг дөрвөн үзэгдэлт “Травиата” дуурь 19 дүгээр зууны дунд үеийн Парис хотноо өрнөнө.
Суут хөгжмийн зохиолч Ж.Вердиг алдаршуулсан гурван том дуурийн нэг болох “Травиата” дуурь нь анх 1853 оны гуравдугаар сарын 6-нд Венец хотноо тоглож байсан бол Монголд 1977 оны дөрөвдүгээр сарын 9-нд театрын тайзнаа амилуулж байжээ.
Энэхүү дуурьт Виолетта гэх бүсгүйн тухай өгүүлдэг бөгөөд Бямба гаригт УДБЭТ-ийн шилдэг сопрануудын нэг Гавьяат жүжигчин Ө.Уянга Виолеттагийн дүрийг бүтээсэн бол 23-ны өдөр тус театрын гоцлол дуучин Г. Энхнаран анх удаа Виолеттагийн дүрийг бүтээх гэж байна. Алфред гүнтэний дүрийг УДБЭТ-ын шилдэг теноруудын нэг Б. Батжаргал шинээр, М. Даваадорж дахин бүтээх болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
27 R baaziin dashdorjiin enhjargal y####n hun aminii heregten