Трансжендер Б.Солонго: Би биеэ үнэлээгүй, энэ сайхан бие хааг гайхуулж л амьдарна

Трансжендер мисс Б.Солонгын Хонг Конгод аялж буй бичлэг "Биеэ үнэлж байна” гэсэн тайлбартайгаар нийгмийн сүлжээнд цацагдаж буй. Тус бичлэг Украйны телевизийн нэвтрүүлэгт багтсан агаад, хөтлөгч залуус руу Б.Солонго гараараа дохиж, хормойгоо сөхөн харуулж байгаа нь бууж үлдсэн юм. Харин энэ талаар тэрбээр өөрийн нүүр хуудсаар дамжуулан тайлбар хийлээ.

ЛГБТ баранд сууж байсан залуус гарч ирээд тэр бичлэгийг хийсэн. Би биеэ үнэлээгүй. Би ямар хүн алж байгаад баригдсан биш. 76 гишүүн шиг Монголын ард түмнийг элгээр нь хэвтүүлсэн биш. Баруун, зүүнээрээ мөнгө авчихсан биш. Хэн мэдээллийг буруу боловсруулж, ийм мэдээлэл тарааж байгаа вэ гэвэл Солонгоогийн улыг долоогчид л байна.

Намайг анх гарч ирж байсан цагаас хойш л ийм дайралтууд ирж байсан учир нэг их тоохгүй байгаа. П.Одгэрэл, Д.Пүрэвсүрэнгээс эхлээд Монголын урдаа барьдаг бүх л хүүхнүүд нүцгэлж гарч ирээ биз дээ. Надад бол хэлэх зүйл байхгүй. Буруу үлгэр дууриал үзүүллээ гэх юм. Гэтэл, “Наадахаа алаач” гэх мэт муухай сэтгэгдэл бичиж байгаа хүмүүс бүгд өөрсдөө үр хүүхэдтэй, ээж нар харагдана лээ. Төдийгөөс өдийг хүртэл миний алдааг уучилж ирсэн хүмүүстээ баярлалаа гэж хэлмээр байна.

Тэр бүр хүүхнүүдэд заяадаггүй бие хааг чинь гайхуулж л амьдарна шүү дээ. Дараачийн удаа урдаа ганц навч ч үлдээлгүй нүцгэлж байгаад зурагаа авахуулна гэж бодож байгаа.

С.ЧИЧҮҮЛЭН

Энэ мэдээнд өгөх таны үнэлгээ

Хуваалцаарай Жиргээрэй