Засгийн газраас "Кью Эс Си" ХХК-ийн эзэмшиж байсан “Дарханы төмөрлөгийн үйлдвэр” концессын гэрээг цуцлах шийдвэр гаргаад буй. Энэ хүрээнд "Дарханы төмөрлөгийн үйлдвэр"-ийг төрд хүлээн авах ажлууд хийгдэж эхлээд байгаа юм.
Өчигдөр /2022.04.14/ Засгийн газрын ажлын хэсэг "Дарханы төмөрлөгийн үйлдвэр"-т ажиллаж, орой нь Гүйцэтгэх удирдлагаар нь ажиллах хүний томилгоог танилцуулсан байна. Тодруулбал, ТӨБЗГ-ын бодлого төлөвлөлт,хөрөнгө оруулалтын газрын дарга Ц.Шинэхүүг түр орлон гүйцэтгэгчээр томилсон байна.
Ц.Шинэхүү нь "ДЦС-3" ТӨХК-ийн ТУЗ-ийн гишүүнээр ТӨБЗГ-ын төлөөллөөр ажиллаж байсан ажлын намтартай. Эх сурвалжуудын мэдээллээр Төрийн албаны дарга Б.Баатарзоригтой нэг нутаг гэдэг агуулгаар улс төрийн дэмжлэг авч байсан нэгэн аж.
Засгийн газрын зүгээс "Хөтөл" цемент шохойн үйлдвэрийг төрд авч, захирлаар нь эдийн засагч Л.Наранбаатарыг томилсноос үүдэж "Аж ахуйн ажил мэдэхгүй, намд урвасан поп хүнээр удирдуулсан" гэх шүүмжлэлд өртөөд буй. Тиймээс энэ удаа ТӨБЗГ-аас томилгоог явуулсан гэж харагдаж буй ч Ц.Шинэхүү нь ахуйн ажил удирдсан туршлагагүй гэсэн мэдээлэл байна.
Г.ҮҮЛТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Тордайн Ганболдыг Дарханы төмөрлөгийн үйлдвэрийн захирлаар тавьчих. Ажлаа ч мэднэ, залуу хүн гялалзуулна даа
za ajiltnuud n ajlaa medne sian udirdaad shudarga yavahad l omnohoos deer bolno shd
Хачин юм тавьчихжээ